سانحہ سیالکوٹ پر ہم سری لنکا والوں سے شرمندہ ہیں، مولانا طارق جمیل

(قدرت روزنامہ)مولانا طارق جمیل نے کہا کہ کسی کو حق حاصل نہیں کہ وہ کسی کو جلائے یہ صرف اللہ کو حق ہے۔

ملاقات کے بعد میڈیا سے گفتگو کرتے ہوئے مولانا طارق جمیل نے کہا کہ سانحہ سیالکوٹ پرمیں ہاتھ جوڑ کر سرلنکا والوں سے معافی مانگتا ہوں۔ اسلام سلامتی اور امن کا نام ہے۔ اسلام محبت کا درس دیتا ہے۔ حضورﷺ کا فرمان ہے ایک انسان کا قتل پوری انسانیت کا قتل ہے۔

مولانا طارق جمیل نے درخواست کرتے ہوئے کہا کہ سود کھانے والا اور بے گناہ کو قتل کرنے والا شدید سزا کا مستحق ہے۔ آپ سے درخواست کرتا ہوں کہ حضورﷺ کی سیرت پڑھیں۔

مولانا طاہر اشرفی نے میڈیا کے نمائندوں کو بتایا کہ سیالکوٹ میں جو افسوسناک واقعہ پیش آیا مولانا طارق جمیل تعزیت کے لیے آئے ہیں۔

پاکستان علما کونسل کے سربراہ و وزیراعظم عمران خان کے نمائندہ خصوصی برائے بین المذاہب ہم آہنگی و مشرق وسطیٰ علامہ طاہر اشرفی نے مولانا طارق جمیل کے ہمراہ سری لنکن ہائی کمیشن کا دورہ کیا اور سری لنکن سفیر سے ملاقات کی۔ ملاقات کے دوران مولانا طارق جمیل نے سری لنکن سے سفیر سے سانحہ سیالکوٹ پر دلی تعزیت کا اظہار کیا۔

اس موقع پر سری لنکن سفیر نے کہا سر لنکن گورنمنٹ سانحہ سیالکوٹ پر پاکستانی حکومت کی جانب سے کیے گئے اقدامات پر مکمل مطمئن ہے۔