سمندری راستے میں ممکنہ رکاوٹیں، پاکستان نیوی نے آپریشن محافظ البحر شروع کردیا

اسلام آباد (قدرت روزنامہ)پاکستان نیوی نے علاقائی سمندری سیکیورٹی کے موجودہ حالات اور اہم سمندری راستوں میں ممکنہ رکاوٹوں کے پیش نظر آپریشن محافظ البحر کا آغاز کر دیا ہے۔ اس اقدام کا مقصد قومی شپنگ اور سمندری تجارت کو درپیش کثیر الجہتی خطرات کا مقابلہ کرنا اور قومی توانائی کی فراہمی کے سلسلے کو بلا تعطل یقینی بنانا ہے۔
پاک فوج کے شعبہ تعلقات عامہ آئی ایس پی آر کے مطابق پاکستان نیوی کی اسکواڈرنز سرگرمیاں پاکستان نیشنل شپنگ کارپوریشن (این پی ایس ای) کے ساتھ قریبی ہم آہنگی میں انجام دی جا رہی ہیں۔ نیوی ملکی سمندری حالات پر مکمل نظر رکھے ہوئے ہے اور تجارتی جہازوں کی محفوظ اور بلاخطر نقل و حمل کو یقینی بنانے کے لیے سرگرم نگرانی کر رہی ہے۔

پاکستان کی تجارت کا تقریباً 90 فیصد حصہ سمندر کے ذریعے انجام دیا جاتا ہے، اس لیے آپریشن کا مقصد اہم سمندری راستوں کو محفوظ اور بلا رکاوٹ برقرار رکھنا ہے۔ اس وقت پاکستان نیوی کے جہاز دو تجارتی جہازوں کی اسکورٹ کر رہے ہیں، جن میں سے ایک آج کراچی پہنچنے والا ہے۔
پاکستان نیوی نے واضح کیا ہے کہ وہ ابھرتے ہوئے سمندری سیکیورٹی چیلنجز سے نمٹنے کے لیے مکمل تیار ہے اور قومی شپنگ و علاقائی سمندری سیکیورٹی کے تحفظ کے لیے پرعزم ہے۔
write English news With headline