عسکری پریڈ پر سعودی خاتون کے بے ساختہ رد عمل کی وڈیو وائرل

میں سیکورٹی اہل کاروں کے ساتھ جوش و جذبہ محسوس کر رہی تھی اور مجھے ان پر فخر ہے‘ ام عادل
ریاض(قدرت روزنامہ) سعودی عرب میں ایک فوجی پریڈ کے حوالے سے ایک خاتون شہری کے رد عمل کی وڈیو سوشل میڈیا پر وسیع پیمانے پر گردش میں آ رہی ہے۔ یہ پریڈ کنگ عبدالعزیز کیمل فیسٹول میں وزارت داخلہ کی نمائش میں شریک سرحدی محافظین کے اہل کاروں نے پیش کی۔ وڈیو میں سعودی خاتون ایک سڑک پر کھڑی دکھائی دے رہی ہے۔اس دوران میں وہ اپنے ہاتھ کے اشارے سے مذکورہ محافظین کے اس کردار کو خراج تحسین پیش کرتی رہی جو وہ اپنے وطن کی سرحد کی حفاظت میں ادا کرتے ہیں۔میڈیارپورٹس کے مطابق سوشل میڈیا پر اس وڈیو کو بہت پذیرائی حاصل ہو رہی ہے۔ سوشل میڈیا حلقوں کے مطابق سعودی خاتون نے پورے معاشرے کی نمائندگی کی۔ریاض صوبے سے تعلق رکھنے والے ام عادل کا کہنا تھا کہ میں سیکورٹی اہل کاروں کے ساتھ جوش و جذبہ محسوس کر رہی تھی اور مجھے ان پر فخر ہے،اللہ تعالی ان کی حفاظت فرمائے۔