اسلام آباد (قدرت روزنامہ)وفاقی وزیر برائے پورٹ اینڈ شپنگ علی زیدی نے وزیراعظم عمران خان کی ویڈیو لنک کے ذریعے اسلام آباد کی ضلعی عدالت میں پیشی کی ویڈیو شیئر کر دی۔سماجی رابطے کی ویب سائٹ ٹوئٹر پر شیئر کی گئی ویڈیو میں دیکھا جاسکتا ہے کہ وزیراعظم عمران خان 17 دسمبر کو نون لیگ کے خواجہ آصف کے خلاف ہتک عزت کے دعوے کے کیس میں ایڈیشنل ڈسٹرکٹ اینڈ سیشن جج کے سامنے پیش ہوئے۔
سماعت کے آغاز پر وزیراعظم سے جج نے بیان حلفی اور دستخطوں کی تصدیق کرائی، وزیراعظم نے کہا کہ انہوں نے اوتھ کمشنر کی موجودگی میں بیان حلفی پر خود دستخط کئے۔
وزیراعظم نے کہاکہ بیان حلفی میں جو معلومات دیں وہ بھی سچ پر مبنی ہیں، بیان کے ساتھ منسلک کاغذات کے درست ہونے کی بھی تصدیق کی۔واضح رہے کہ مسلم لیگ نون کے رہنما خواجہ آصف نے وزیرِ اعظم عمران خان پر شوکت خانم اسپتال کے فنڈ میں غیر شفافیت کا الزام لگایا تھا جس پر وزیرِ اعظم نے خواجہ آصف کے خلاف 10 ارب روپے ہرجانے کا دعویٰ دائر کیا تھا۔
وزیرِ اعظم اپنے وکیل سینیٹر ولید اقبال کی موجودگی میں ای کورٹ میں پیش ہوئے۔اس موقع پر وزیرِ اعظم عمران خان نے کہا کہ ای کورٹ سے عدالتی کارروائی چلانا ایک خوش آئند اقدام ہے، اس کارروائی میں وقت اور پیسے دونوں کی بچت ہوتی ہے۔
انہوں نے کہا کہ ای کورٹ سے کارروائی کیسز کو وقت پر نمٹانے میں معاون ثابت ہوگی۔وزیرِ اعظم عمران خان نے مزید کہا کہ شوکت خانم ٹرسٹ دنیا میں منفرد اور واحد مفت کینسر کے علاج کا اسپتال چلا رہی ہے۔ان کا یہ بھی کہنا ہے کہ فلاحی منصوبے پر جھوٹے الزامات لگا کر سیاست کے لیے استعمال کرنا افسوس ناک ہے، عدالت سے امید ہے کہ وہ ایسے الزامات پر مثالی فیصلہ دے گی۔
کراچی(قدرت روزنامہ)متحدہ قومی موومنٹ (ایم کیو ایم) پاکستان کے رہنما اور قومی اسمبلی کی قائمہ…
اسلام آباد(قدرت روزنامہ) پشتونخوا ملی عوامی پارٹی کے سربراہ محمود خان اچکزئی نے کہا ہے…
اسلام آباد (قدرت روزنامہ) پاکستان مسلم لیگ ن کے سینیٹر طلال چوہدری نے کہا ہے…
اسلام آباد ( قدرت روزنامہ ) اپوزیشن لیڈر عمر ایوب کا بطور سیکرٹری جنرل پی…
اسلام آباد (قدرت روزنامہ) ملک میں پٹرولیم مصنوعات کی قیمتوں میں16ستمبر سے مسلسل چوتھی مرتبہ…
اسلام آباد(قدرت روزنامہ)ڈپٹی کمشنر اسلام آباد کا کہنا ہےکہ پی ٹی آئی کو جلسے کی…