اسلام آباد(قدرت روزنامہ) سابق وزیراعظم نواز شریف سے افغان قومی سلامتی کے مشیر حمداللّٰہ محب کی ملاقات کابندوبست مشرق وسطیٰ کے ایک ملک نے کیا۔روزنامہ جنگ میں سعید نیازی کی شائع خبر کے مطابق نواز شریف کے قریبی ذرائع کا کہنا ہے کہ مذکورہ ملک کے ایک سفارت کارنے نواز شریف سے بات کی اور نواز شریف کی حمد اللّٰہ محب سے ممکنہ ملاقات کے حو الے سے بات کی۔افغان قومی سلامتی کے مشیر برطانیہ کی سیاسی و فوجی قیادت کے علاوہ کئی ممالک کے سفراء اور سیاست دانوں سے ملاقاتوں کے لئے برطانیہ کے دورے پر تھے۔ملاقات کی تصاویر سامنے
آنے کے بعد تحریک انصاف کے وزراء نے نواز شریف کو ہدف تنقید بنایا۔ افغان قومی سلامتی کے مشیر کے ساتھ ملاقات میں افغان وزیر مملکت سید سعادت نادری اور سفیر بھی موجود رہے۔ مشرق وسطی کے جس ملک نے ملاقات کا اہتمام کیا وہ پاکستان کے قریب بتایا جاتا ہے۔لندن میں جب نواز شریف کے دفتر سے استفسار کیا گیا تو کوئی جواب نہیں دیا گیاتاہم سابق وزیر خزانہ اسحاق ڈار نے رابطہ کرنے پر کہا کہ کئی ماہ قبل افغان صدر کے نمائندے نے نوازشریف سے رابطہ کرکے ان کی جانب سے خیریت دریافت کی تھی۔ اسحاق ڈار نے تحریک انصاف کے وزراء کی جانب سے تنقید کو مسترد کرتے ہوئے کہا کہ وہ نواز شریف سے کس قدر خوفزدہ ہیں۔اس میں کوئی شک نہیں کہ عمران خان حکومت کی خارجہ پالیسی ملک کے لئے تباہ کن ثابت ہوئی۔ نواز شریف نے خود ان کی درخواست پر ملاقات کی اور ملنے کا موقف دینے پر شکریہ ادا کیا۔
اسلام آباد (قدرت روزنامہ)وزیر اطلاعات و نشریات عطا تارڑ نے کہا ہے کہ اےپی سی…
اسلام آباد (قدرت روزنامہ) پیٹرولیم ڈیلرز ایسوسی ایشن نے ملک بھر میں جاری ہڑتال کی…
لاہور (قدرت روزنامہ) پروٹیکٹڈ صارفین کو مبینہ اووربلنگ پر وفاقی تحقیقاتی ادارے ایف آئی اے…
اسلام آباد (قدرت روزنامہ) سٹیٹ بینک آف پاکستان کی جانب سے حکومتی قرضوں سے متعلق…
اسلام آباد (قدرت روزنامہ)وزیر دفاع خواجہ آصف کا کہنا ہے کہ لگتا ہے بانی پی…
اسلام آباد (قدرت روزنامہ)سابق وزیر اعظم شاہد خاقان عباسی جے یو آئی سربراہ مولانا فضل…