عوام کیلئے سال نو کا تحفہ، حکومت نے ایل پی جی سستی کردی

اسلام آباد (قدرت روزنامہ)ملک میں مائع پیٹرولیم گیس (ایل پی جی) کا گھریلو سلنڈر سستا کردیا گیا۔تفصیلات کے مطابق آئل اینڈ گیس ریگولیٹری اتھارٹی (اوگرا) کی جانب سے جاری نوٹیفکیشن کے مطابق ایل پی جی کے 11.8 کلوگرام کے گھریلو سلنڈر کی قیمت میں69.63 روپے کمی کی گئی ہے۔نجی ٹی وی جیو کے مطابق اوگرا نے بتایا کہ ایل پی جی کے گھریلو سلنڈر کی نئی قیمت 2320 روپے 81 پیسے مقرر کی گئی ہے۔اوگرا کے مطابق ایل پی جی کی فی کلو قیمت میں 5 روپے 90 پیسے کمی ہوئی ہے جس کے بعد فی کلو نئی قیمت 196روپے67

پیسے ہوگی۔اوگرا کے مطابق ایل پی جی کی قیمت میں کمی کا نوٹیفکیشن جاری کردیا گیا ہے اور نئی قیمتوں کا اطلاق یکم جنوری 2022 سے ہوگا۔