حکومتی دعوے دھرے دھرے کے رہ گئے ،مری میں بجلی کی فراہمی بحال نہ ہوسکی

مری (قدرت روزنامہ) حکومتی دعوے دھرے دھرے کے رہ گئے ،مری میں بجلی کی فراہمی بحال نہ ہوسکی ۔وفاقی وزیر توانائی حماد اظہر کے مطابق مری میں تمام فیڈرز بحال ہیں، چند مقامی فالٹس کی مرمت کی جا رہی ہے۔حماد اظہر کا کہنا ہے کہ مری میں پیٹرول اور ڈیزل کی کوئی قلت نہیں ہے، پی ایس او کے تمام پمپس پر پیٹرول اور ڈیزل موجود ہے۔

دوسری جانب مقامی افراد کا کہنا ہے کہ بجلی کی جلد بحالی کی کوئی امید نہیں ہے، واپڈا والوں کی طرف سے کوئی بتا رہا ہے کہ 10 دن بعد بجلی آئے گی اور کوئی کہہ رہا ہے کہ بجلی بحال ہونے میں ایک ماہ کا عرصہ بھی لگ سکتا ہے۔ادھر مری کے راستے میں پھنسے درجنوں سیاحوں کو قریبی ہوٹلوں میں منتقل کردیا گیا اور ہوٹل مالکان کو سڑکیں کھلنے تک سیاحوں کو آؤٹ نہ کرنے کی ہدایت جاری کی گئی ہے۔