آرمی چیف جنرل قمر جاوید باجوہ کی زیرصدارت کورکمانڈرز کانفرنس

راولپنڈی (قدرت روزنامہ) آرمی چیف جنرل قمر جاوید باجوہ کی زیرصدارت کورکمانڈرز کانفرنس ہوئی، جس میں ملک کو درپیش اندرونی بیرونی سیکورٹی چیلنجز اور سرحدی انتظامات کا جائزہ لیا گیا، مری اور بلوچستان میں ریلیف آپریشن میں شامل فارمیشن کی کوششوں کی تعریف کی گئی،آر می چیف نے ابھرتے خطرات سے نمٹنے کیلئے تربیت جاری رکھنے پر زور دیا۔

پاک فوج کے شعبہ تعلقات عامہ (آئی ایس پی آر ) کے مطابق چیف آف آرمی سٹاف جنرل قمر جاوید باجوہ کی زیرصدارت کورکمانڈرز کانفرنس منعقد ہوئی، کانفرنس میں داخلی سیکورٹی کی صورتحال اور سرحدی انتظامات کا جائزہ لیا گیا، کانفرنس میں آپریشن ردالفساد کی کامیابیوں اور متعلقہ امور پر بریفنگ دی گئی۔ کانفرنس کے شرکاء نے پاک فوج کی آپریشنل تیاریوں پر اطمینان کا اظہار کیا۔آرمی چیف نے مری اور بلوچستان میں برفباری کے دوران ریلیف آپریشن میں شامل فارمیشن کی کوششوں کی تعریف کی، آرمی چیف نے ملک کو درپیش چیلنجز اور کسی بھی خطرے سے نمٹنے کیلئے تربیت جاری رکھنے پر زور دیا۔