ریاض (قدرت روزنامہ) سعودی عرب میں مسلسل دوسرے روز 4500 سے زائد نئے کورونا کیسز سامنے آگئے۔ سعودی میڈیا کے مطابق مملکت میں منگل کے روز بھی کوویڈ 19 کے نئے کیسز 4500 کے نشان سے اوپر رہے اور گزشتہ چوبیس گھنٹوں کے دوران 4,652 نئے انفیکشن ریکارڈ کیے گئے جب کہ اس دوران وائرس سے پیدا ہونے والی پیچیدگیوں کی وجہ سے 2 افراد کی موت ہوئی ہے۔
وزارت صحت کے بیان سے معلوم ہوا ہے کہ سعودی عرب میں اب تصدیق شدہ کورونا مریضوں کی کل تعداد 5 لاکھ 88 ہزار 183 ہوچکی ہے اور وائرس سے ہونے والی اموات 8,897 تک پہنچ گئی ہیں جب کہ گزشتہ چوبیس گھنٹوں کے دوران کل 2051 افراد وباء سے صحت یاب بھی ہوئے، جس سے مہلک وائرس سے پاک ہونے والوں کی کل تعداد 5 لاکھ 49 ہزار 558 ہوگئی تاہم اس وقت بھی فعال کورونا کیسز میں سے 190 افراد کی حالت تشویشناک ہے۔
سعودی عرب میں کورونا کیسز میں ہونے والے مسلسل اضافے کو مد نظر رکھتے ہوئے حرمین شریفین انتظامیہ نے زائرین میں آب زم زم کی تقسیم کے لیے اسمارٹ روبوٹ لانچ کردیا ، زم زم آبپاشی کے محکمے کے نائب سربراہ برائے خدمات اور میدانی امور کے بدر لقمانی نے کہا کہ روبوٹ کی ٹیکنالوجی اسے انسانی مداخلت کے بغیر زم زم کے پانی کی بوتلیں تقسیم کرنے کی اجازت دے گی ، تاکہ مصنوعی استعمال کے دوران کورونا کے خلاف احتیاطی تدابیر کا احترام کیا جا سکے ، ہم مسجد الحرام کے زائرین کے لیے اعلیٰ ترین سیکورٹی اور معیار فراہم کرنے کی کوشش کرتے ہیں ، جس کے تحت مسجد الحرام کے اندر بڑے پیمانے پر روبوٹ کو چلانے کے لیے کام جاری ہے تاکہ بیگز اور پورٹیبل سلنڈرز کو بھی ہینڈل کیا جا سکے۔
انہوں نے کہا کہ روبوٹ فی راؤنڈ 30 بوتلیں تقسیم کرنے کے قابل ہو گا ، ہر راؤنڈ 10 منٹ تک جاری رہے گا ، یہ ایک وقت میں آٹھ گھنٹے کام کرتا ہے اور زمزم کے پانی کی بوتلوں کو لوڈ کرنے میں 20 سیکنڈ کا وقت لگتا ہے ، یہ اسمارٹ روبوٹ اپنے کام کے دوران لوگوں سے ٹکرائے گا یا رکاوٹ نہیں بنے گا اور اس نے یورپی سی ایس سرٹیفکیٹ سمیت منظوری کے بہت سے سرٹیفکیٹ حاصل کیے ہیں ۔
اسلام آباد (قدرت روزنامہ)وزیر اطلاعات پنجاب عظمیٰ بخاری نے کہا ہے کہ وہ گورنر راج…
اسلام آباد (قدرت روزنامہ)گوجرانوالہ میں دوسری شادی کرنے پر خاتون نے سابق شوہر کے گھر…
اسلام آباد (قدرت روزنامہ) وزیراعظم شہباز شریف کا کہناہے کہ آئی ایم ایف پروگرام دلوانے…
ممبئی(قدرت روزنامہ)بالی ووڈ اداکار ارشاد وارثی نے سائنس فکشن فلم کالکی 2898 اے ڈی کے…
نئی دہلی (قدرت روزنامہ) بھارتی کرکٹر ویرات کوہلی نے سابق لیجنڈری بلے باز سچن ٹنڈولکر…
اسلام آباد (قدرت روزنامہ) ملک میں سیمنٹ کی ریٹیل قیمت میں مسلسل دوسرے ہفتے بھی…