لاہور (قدرت روزنامہ)پیپلز پارٹی نے ان ہاؤس تبدیلی کے لیے پی ٹی آئی کے گروپ کو ڈیل کی پیشکش کر دی۔اسی حوالے سے سینئر صحافی رانا عظیم کا کہنا ہے کہ پیپلز پارٹی کی خواہش ہے اِن ہاؤس تبدیلی آئے۔انہوں نے پروگرام دی لاسٹ آور میں اینکر پرسن یاسر رشید سے گفتگو کرتے ہوئے کہا کہ پیپلز پارٹی نے تحریک انصاف کے اندر ایک گروپ سے رابطہ کیا اور کہا کہ ہم ان ہاؤس تبدیلی کے لیے کوشش کرتے ہیں، آپ کو پیپلز پارٹی اور دیگر سیاسی جماعتیں سپورٹ کریں گے۔
آپ کے اندر سے کوئی بندہ وزیراعظم بن جائے، پھر کچھ عرصے بعد اسمبلیاں تحلیل کر دیں۔تحریک انصاف کے ان لوگوں کا تعلق جنوبی پنجاب سے ہے۔اس گروپ کے ساتھ تین ملاقاتیں ہوئیں۔رانا عظیم نے مزید کہا کہ آصف زرداری پی ٹی آئی کے اندڑ ڈینٹ ڈالنا چاہتے تھے مگر اُن ارکان نے انکار کر دیا۔
خیال رہے کہ گذشتہ روز سابق صدر آصف علی زرداری نے کہا تھا کہ پہلے دن سے کہہ رہاہوں کہ ان سے حکومت نہیں چلے گی اور وقت نے میری بات کو سچ ثابت کیا ہے۔
منگل کے روز احتساب عدالت میں پیشی کے موقع پر صحافیوں نے آصف زرداری کو گھیرے میں لے لیا اور سوالات کی بوچھاڑ کر دی۔ان ہائوس تبدیلی سے متعلق سوال پر آصف زرداری نے کہا کہ ’’ انشاء اللہ بہتر ہو گا ‘‘۔ پیپلز پارٹی دوبارہ پی ڈی ایم کا حصہ بننے کے سوال پر آصف زرداری نے جواب دیا کہ میں ایسا نہیں سمجھتاہوں ، جو عوام کے حالات ہیں ان میں حکومت سے کچھ نہیں ہو سکتا ، میں تو چاہتاہوں کہ یہ حکومت پہلے دن چلی جائے ، یہ نامعقول ہیں ، پہلے دن سے یہ کہہ رہا ہوں کہ ان سے حکومت نہیں چلائی جائے گی اور اب تاریخ نے بھی ثابت کر دیاہے یہ نا اہل ہیں اور نکمے ہیں ، لانگ مارچ سے متعلق اصف زرداری کا کہناتھا کہ مولانا فضل الرحمان پہلے بھی مارچ کرتے رہے ہیں۔
اسلام آباد (قدرت روزنامہ)وزیر اعلیٰ خیبرپختونخوا علی امین گنڈا پور نے گورنر خیبرپختونخوا کو فارغ…
اسلام آباد (قدرت روزنامہ)سوشل میڈیا پر چند روز سے ایک ویڈیو گردش کر رہی ہے…
اسلام آباد (قدرت روزنامہ)چیف آف آرمی اسٹاف جنرل سیّد عاصم منیر سے روس کے نائب…
اسلام آباد (قدرت روزنامہ)سینیئر سیاستدان و سابق وفاقی وزیر شیریں مزاری نے بھی افغان قونصل…
اسلام آباد (قدرت روزنامہ) سی پی پی اے نے بجلی کی قیمتوں میں کمی کی…
پشاور (قدرت روزنامہ) خیبرپختونخوا کابینہ نےمجوزہ آئینی ترمیم کےخلاف سپریم کورٹ میں درخواست دائر کرنے…