حکومت کی ایک اور عوام دشمنی، بجلی کے بعد پٹرول بم گرانے کی تیاری

اسلام آباد(قدرت روزنامہ)حکومت نے بجلی کے بعد عوام پر پٹرول بم گرانے کی بھی تیاری کرلی ہے . اوگرا نے پٹرولیم مصنوعات کی قیمتوں میں اضافہ کی سمری پٹرولیم ڈویژن کو ارسال کردی .

پٹرول مہنگا ہونے سے تاریخ میں پہلی بار 150 روپے فی لٹر ہوجائے گا .

نیو نیوز کے مطابق پٹرولیم مصنوعات چار سے پانچ روپے فی لٹر مہنگی ہونے کا خدشہ ہے . عالمی منڈی میں قیمتیں بڑھنے سے اضافے کی ورکنگ کی گئی ہے . قیمتوں میں اضافے سے متعلق حتمی فیصلہ وزیر اعظم کریں گے .

وزارت خزانہ کل نئی قیمتوں کا اعلان کرے گی . حکومت نے یکم جنوری سے پٹرول ہائی سپیڈ ڈیزل 4،4 روپے فی لٹر مہنگا کیا تھا . لائٹ ڈیزل 4 روپے 15 پیسے ،مٹی کا تیل 3روپے 95 پیسے مہنگا کیا گیا تھا .