مریم نواز نے عمران خان حکومت کو کرپٹ ترین قرار دیدیا

(قدرت روزنامہ)سابق وزیراعظم نواز شریف کی صاحبزادی مریم نواز نے پی ٹی آئی حکومت کو ملکی تاریخ میں کرپٹ ترین قرار دے دیا۔

ایک بیان میں مریم نواز نے کہا کہ عمران خان حکومت سے زیادہ کرپٹ، بدعنوان اور رشوت خور حکومت پاکستان کی تاریخ میں نہیں آئی۔

انہوں نے کہا کہ عوام کی جیبیں خالی کرنے والے عمران خان مافیا نے دیدہ دلیری سے پاکستان پر ہاتھ صاف کیے ہیں۔

ن لیگی نائب صدر نے مزید کہا کہ ہر شعبے میں تنزلی کے ریکارڈ بنانے والے عمران خان کے دور میں صرف ایک شعبے میں ترقی ہوئی اور وہ چوری اور لوٹ مار ہے۔