اسلام آباد(قدرت روزنامہ) چین کی ساؤتھ ویسٹ یونیورسٹی آف پولیٹیکل سائنس اینڈ لا کے وزٹنگ پروفیسر چنگ شی چونگ نے کہا ہے کہ وزیراعظم عمران خان کی قیادت میں پاکستان نے مجموعی قومی پیداوار (جی ڈی پی) کومالی سال 21-2020میں 5.37فیصد کی شرح نمو حاصل کر لی ہے، پاکستان کی معیشت تیزی سے بحالی اور ترقی کی راہ پر گامزن ہے۔یہ عمران خان حکومت کی قیادت میں تمام پاکستانی عوام کی طرف سے حاصل کی گئی بڑی کامیابی ہے۔
اپنے بیان میں انہوں نے کہا کہ انتہائی سنگین وبا اور قدرتی آفات کے دوران پاکستان نے اتنی بڑی کامیابیاں حاصل کی ہیں جس کی بنیادی وجہ یہ ہے کہ حکومت نے وبائی امراض کی روک تھام کے لیے چھوٹے پیمانے پرموثر مائیکرو لاک ڈاؤن، معاشی اصلاحات اور کھلے پن جیسی دانشمندانہ پالیسیاں تسلسل سے نافذ کیں جن میں اجناس کی برآمدات میں خاطر خواہ اضافہ، کاروباری ماحول میں مسلسل بہتری، ملکی اور غیر ملکی سرمایہ کاری کی حوصلہ افزائی، کاروباری سرگرمیوں میں بہتری، اور دیگر محرک اقدامات شامل ہیں۔
انہوں نے کہا کہ 2021 میں چین کی جی ڈی پی میں پچھلے سال کے مقابلے میں 8.1 فیصد اضافہ ہوا ہے۔ پاکستان کی معیشت کی تیزی سے بحالی اور ترقی کاچین کی تیز رفتار ترقی کے اثرات اور خاص طور پرچین پاکستان اقتصادی راہداری کی تعمیر میں پیش رفت کے حوالے سے بھی گہرا تعلق ہے۔انہوں نے کہا کہ پاکستان کی معیشت تیزی سے بحالی اور ترقی کی راہ پر گامزن ہے جو کہ روزگار کے خاطر خواہ مواقع پیدا کرنے، فی کس آمدنی میں اضافے اور لوگوں کے معیار زندگی کو بہتر بنانے کے لیے سازگار ہے۔
انہوں نے مزید کہا کہ پاکستان تزویراتی طور پر، اپنے آپ کو جیو پولیٹکس سے جیو اکنامکس میں تبدیل کر رہا ہیانہوں نے کہا کہ چین کی دلی خواہش ہے کہ پاکستان نئے سال میں سماجی اور اقتصادی ترقی میں مزید کامیابیاں حاصل کرے اور امریکا، چین، یورپی یونین اور دیگر معیشتوں کے ساتھ بڑھتا ہوا تعلق پاکستان کو ابھرتی ہوئی معیشت بنا رہا ہے، جس کو عالمی سطح پر زیادہ سے زیادہ تسلیم بھی کیا جا رہا ہے۔انہوں نے لکھا کہ دی اکانومسٹ نے حالات کو معمول پر لانے کی درجہ بندی شائع کی ہے اورمسلسل تیسری بار پاکستان پہلے تین ممالک میں شامل ہے۔ انہوں نے لکھا کہ مالی سال2021میں نچلی سطح پر ملکی پیدا وار کی ترقی 5.37تک پہنچ گئی ہے جو گزشتہ14برس میں دوسری بہترین شرح ترقی ہے۔
دکی(قدرت روزنامہ)دکی شہر میں موبائل انٹرنیٹ سروس بند لاکھوں صارفین پریشان ہے دکی موبائل انٹرنیٹ…
کوئٹہ(قدرت روزنامہ)بلوچستان نیشنل پارٹی کے مرکزی اعلامیہ میں نیشنل پارٹی کے بیان کو کھسیانی بلی…
کوئٹہ(قدرت روزنامہ)وزیر اعلی بلوچستان میر سرفراز بگٹی سے بدھ کو یہاں سپریم کورٹ بار ایسوسی…
اسلام آباد (قدرت روزنامہ)وزیر دفاع خواجہ آصف کا کہنا ہے کہ لندن انڈرگراؤنڈ ٹرین میں…
اسلام آباد (قدرت روزنامہ)سربراہ جے یو آئی (ف) مولانا فضل الرحمان نے کہا کہ ہمیشہ…
اسلام آباد (قدرت روزنامہ)وزیراعظم شہباز شریف نے لندن میں وزیر دفاع خواجہ آصف کو دی…