پاکستانی ٹیم کو کیسے زیر کیا جائے ؟ آسٹریلوی تھنک ٹینک سر جوڑ کر بیٹھ گیا

(قدرت روزنامہ)پاکستان کو زیر کرنا آسٹریلین ٹیم کیلئے درد سر بن گیا ہے . آسٹریلوی ٹیم مینجمنٹ پاکستان کے خلاف مضبوط اسکواڈ بنانے کی خواہاں ہے .

تفصیلات کے مطابق پاکستانی کھلاڑیوں کی گزشتہ سال بہترین پرفارمنس نے آسٹریلین ٹیم کو پریشان کردیا ہے . اس ضمن میں بہترین اسکواڈ کو دورہ پاکستان کیلئے منتخب کرنے کا امکان ہے .

گزشتہ سال ٹی ٹوئنٹی ورلڈکپ کے سیمی فائنل میں شکست کو قومی ٹیم بھولی نہیں ہے . اس کا ادراک آسٹریلین ٹیم کو بخوبی ہے .

 

دورہ پاکستان کیلئے آسٹریلوی ٹیسٹ اسٹارز کے دورہ پاکستان کا قوی امکان ہے . سیلیکٹرز نے 3 ٹیسٹ کیلئے مضبوط ترین اسکواڈ بنانے کا عندیہ دیا ہے . آسٹریلوی اسپیڈ اسٹٓار مچل اسٹارک نے بھی آئی پی ایل سے دستبرداری اختیار کرلی ہے .

عثمان خواجہ اور مارکس ہیرس بھی اسکواڈ کا حصہ ہوں گے . جھے اینڈرسن فٹنس مسائل کے سبب قومی اسکواڈ کا حصہ بننے سے قاصر رہیں گے .

نوجوان پیسر پاؤں کی تکلیف کے سبب ایشیز سیریز کے آخری 3 ٹیسٹ میچز میں شرکت نہیں کر سکے . ٹیم مینجمنٹ انہیں مشکل کنڈیشنز میں کھلا کر کوئی خطرہ مول لینا نہیں چاہتی .

ان کی جگہ اسکاٹ بولینڈ پر آسٹریلین پیس بیٹری کا انحصار ہوگا . فلیٹ پچز پر انکی کارکردگی کافی حیران کن رہی ہے . رپورٹ کے مطابق چند کھلاڑیوں کو بدستور دورہ پاکستان پر تحفظات ہیں تاہم ویسٹ انڈیزکا حالیہ ٹور کافی حوصلہ افزا ثابت ہوا ہے .

یاد رہے سال 1998 کے بعد آسٹریلوی ٹیم کا یہ پہلا دورہ پاکستان ہے .

. .
Ad
متعلقہ خبریں