خاتون اول کیخلاف گھٹیا اور من گھڑت خبریں، حکومت کا قانونی چارہ جوئی کا اعلان

(قدرت روزنامہ)معاون خصوصی ڈاکٹر شہباز گل نے متنبہ کیا ہے کہ وزیراعظم اور خاتون اوّل بشری عمران خان کے بارے گھٹیا اور من گھڑت خبریں دینے والوں کیخلاف سخت ایکشن لیتے ہوئے انھیں عدالت میں لے جایا جائے گا .

سماجی رابطوں کی ویب سائٹ ٹویٹر پر جاری اپنے بیان میں ڈاکٹر شہباز گل کا کہنا تھا کہ پہلے ہی نجم سیٹھی کے خلاف ہم عدالت میں ہیں .

ابھی بھی جو لوگ خاتون اوّل کے بارے جھوٹی خبریں پھیلا رہے ہیں ان کے خلاف سخت قانونی چارہ جوئی کی جائے گی .

فیض یابی کا دور ختم، عمران خان کے مقابلے میں منجھے ہوئے کھلاڑی، سیاست کتنی آتی ہے؟ اصل امتحان اب شروع
‘وزیراعظم کارکردگی سے مطمئن نہیں تو چلیں جائیں گے یار’، شوکت ترین کی ویڈیو وائرل

انہوں نے کہا کہ خاتون اوّل اور وزیراعظم دونوں اسلام آباد میں موجود ہیں . پورے ایک سال میں خاتون اوّل صرف ایک ہفتے کے لئے لاہور تشریف لے کر گئیں .

ان کا کہنا تھا کہ پچھلے چند مہینوں سے وہ لاہور تشریف نہیں لے کر گئیں اور اسلام آباد میں تشریف فرما ہیں .

شہباز گل نے متنبہ کیا کہ سیاست اور صحافت کریں لیکن اہلخانہ جو سیاست میں موجود ہی نہیں، ان کے بار جھوٹی جعلی خبریں دیں گے تو عدالت لے کر جائیں گے .