شاہین شاہ آفریدی کی سکول تقریب میں شرکت ، ویڈیو وائرل

(قدرت روزنامہ)پاکستان سپر لیگ (پی ایس ایل) کے سیزن 7 میں شامل ٹیم لاہور قلندرز کے کپتان شاہین شاہ آفریدی کی سکول میں تقریب میں شرکت کی ویڈیو وائرل ہوگئی ۔سوشل میڈیا پر وائرل ویڈیو میں شاہین شاہ آفریدی کو اسلام آباد میں ایک سکول کی تقریب میں شرکت کیلئے آتے دیکھا جاسکتا ہے۔ویڈیو میں اینٹرنس پر کھڑی طالبات کو ہاتھ میں پھولوں کی پلیٹ لیے شاہین شاہ آفریدی پر پھول نچھاور کرتے بھی دیکھا گیا۔دوسری جانب ویڈیو میں سکول میں دورے کے دوران شاہین کے ساتھ چلتے جم غفیر میں موجود طالبات اور افراد کو سیلفیاں لیتے بھی دیکھا جا سکتا ہے۔