وزارت آئی ٹی کو 15ویں نمبر پر دیکھ کر افسوس و حیرت ہوئی وفاقی وزیر امین الحق بھی پھٹ پڑے

ٹوکیو (قدرت روزنامہ)وزیر خارجہ شاہ محمود قریشی کے بعد وزیربرائے انفارمیشن ٹیکنالوجی امین الحق نے بھی ان کی شاندار کارکردگی دکھانے والی وزارت کو ایوارڈ یافتہ 10وزارتوں میں شامل نہ کیے جانے پر افسوس اور حیرانی کا اظہار کیا ہے . روزنامہ جنگ میں عرفان صدیقی کی خبر کے مطابق امین الحق نے کہا کہ ان کی وزارت انفارمیشن ٹیکنالوجی و ٹیلی کمیونی کیشن ڈیجیٹل پاکستان کے منصوبے کو شاندار طریقے سے عملی جامہ پہنانے پر کامیابی سے عمل پیرا ہے، صرف یہی نہیں بلکہ ان کی وزارت نے ساڑھے 3سالہ دور میں پاکستان کے لیے تاریخی کامیابیاں حاصل کیں جن

میں تاریخ میں پہلی بار آئی ٹی مصنوعات اور سروسز کی برآمدات سے 3ارب ڈالرز کا ذرمبادلہ حاصل کیا جبکہ ملک بھر کے دور دراز علاقوں کو ملانے کے لیے 50ارب روپے کی مالیت کے 49براڈ بینڈ منصوبے مکمل کیے .