ابو ظہبی (قدرت روزنامہ) متحدہ عرب امارات میں اب غیرملکیوں کو کفیل کے بغیر اقامہ ملے گا ، یو اے ای حکومت کی جانب سے 5 زمروں میں آنے والے غیرملکیوں کو اماراتی کفیل کے بغیر ملک میں طویل المدت قیام کے لیے 10 اور 5 سالہ اقامہ بغیر کفیل کے دیا جائے گا۔ اُردو نیوز نے الامارات الیوم کا حوالہ دیتے ہوئے بتایا کہ اقامہ ایک ، دو ، تین ، پانچ اور دس برس کا بھی دیا جاسکتا ہے تاہم یہ اقامے مقررہ شرائط پوری کرنے والوں کو دیے جائیں گے ، امارات میں مقیم غیرملکیوں کو 5 سالہ ریٹائرمنٹ ویزا دیا جائے گا جب کہ گولڈن اقامہ پروگرام بھی متعارف کرایا جائے گا ، اقامے کی میعاد ، ویزے اور کفیل کی نوعیت کے حوالے سے مختلف ہوگی اور اس کے لیےغیرملکی کو کفیل کی خدمات کی ضرورت نہیں ہوگی۔
رپورٹ اماراتی حکومت کے حوالے سے بتایا گیا ہے کہ اقامے کے اجراء کی پالیسی میں تبدیلیوں کے تحت 5 اور 10 سالہ اقامہ مخصوص شرائط کے ساتھ مقررہ زمروں کے افراد کو دیا جائے گا ، جس کے لیے امارات میں پانچ سالہ یا دس سالہ طویل المیعاد اقامہ قانون نافذ ہوچکا ہے جب کہ مذکورہ اقاموں کی تجدید مطلوبہ شرائط پوری ہونے پر مقررہ نظام سے کی جائے گی۔
معلوم ہوا ہے کہ 5 سالہ یا 10 سالہ اقامے سرمایہ کاروں ، نئے قسم کا کاروبار کرنے والوں اور منفرد صلاحیت کے حامل افراد کو دیے جائیں گے ، یہ اقامہ امارات میں پہلے سے مقیم غیرملکیوں کو بھی دیا جارہا ہے جب کہ امارات سے باہر رہنے والے غیرملکیوں کے لیے بھی یہ سہولت دستیاب ہے۔ غیرملکیوں کے اہل خانہ اماراتی کفیل کی خدمات حاصل کیے بغیر طویل المیعاد اقامے سے فائدہ اٹھا کر یو اے ای میں ملازمت اور تعلیم کے ساتھ رہائش کی سہولت بھی حاصل کرسکتے ہیں اس کے علاوہ وہ ملک میں کسی اماراتی کو اپنے کاروبار میں شریک کیے بغیر مکمل ملکیت والے کاروبار کرنے کے بھی اہل ہوں گے۔
ممبئی(قدرت روزنامہ) بالی ووڈ اداکارہ اروشی روٹیلا نے بھارتی کرکٹر ریشبھ پنت کے ساتھ تعلقات…
اسلام آباد(قدرت روزنامہ)وزیراعظم پاکستان میاں شہباز شریف نے کہا ہے کہ آئی ایم ایف سے…
لاہور ( قدرت روزنامہ ) وزیر اطلاعات پنجاب عظمیٰ بخاری نے گورنر پنجاب کے بیان…
اسلام آباد(قدرت روزنامہ) وفاقی کابینہ سے سپریم کورٹ پریکٹس اینڈ پروسیجر ترمیمی آرڈیننس 2024 کی…
اسلام آباد(قدرت روزنامہ)قومی اسمبلی میں قائد حزب اختلاف اور پاکستان تحریک انصاف (پی ٹی آئی)…
اسلام آباد(قدرت روزنامہ) اسپیکر قومی اسمبلی ایاز صادق نے الیکشن کمیشن کو خط لکھ دیا…