لاہور(قدرت روزنامہ) پاکستان سپر لیگ (پی ایس ایل) کی دوسری سب سے مہنگی فرنچائز کراچی کنگز اب ٹورنامنٹ کے لیگ مراحل میں لگاتار آٹھ میچ ہارنے والی پہلی ٹیم ہے . ملتان سلطانز نے قذافی سٹیڈیم میں قریبی معرکے میں کراچی کنگز کو سات وکٹوں سے شکست دے کر پی ایس ایل 7 میں بابر اعظم کی ٹیم کو لگاتار آٹھویں شکست دی .
کراچی کنگز کے پاس اب نو میچوں میں سب سے طویل ہارنے کا سلسلہ بھی ہے .
کراچی پی ایس ایل 7 میں اب تک آٹھ جبکہ پی ایس ایل 6 کے ایلیمنیٹر میں پشاور زلمی سے ہار چکی ہے، لاہور قلندرز کے پاس اس سے قبل 8 میچ ہارنے کا یہ ریکارڈ تھا . دریں اثناء پی ایس ایل 2020ء کی چیمپئن دوسری ٹیم ہے جس نے ایک ایڈیشن میں آٹھ میچ ہارے ہیں . پی ایس ایل 6 میں کوئٹہ گلیڈی ایٹرز کو آٹھ میچز میں شکست ہوئی تھی . واضح رہے کہ کنگز نے مسلسل سات میچ ہارنے والی پہلی ٹیم بن کر پی ایس ایل کی ناپسندیدہ تاریخ رقم کی . پی ایس ایل کے کسی ایک ایڈیشن میں مسلسل سب سے زیادہ شکستوں کا ریکارڈ لاہور قلندرز کے پاس تھا . قلندرز کو 2018ء کے پی ایس ایل سیزن میں لگاتار 6 میچوں میں شکست کا سامنا کرنا پڑا تھا .
. .