ملیے عمران طاہر کے فین اور ہم شکل بلال طاہر سے

اسلام آباد (قدرت روزنامہ)پاکستان سپر لیگ کی ٹیم ملتان سلطانز میں شامل جنوبی افریقی اسپنر عمران طاہر کے ہم شکل بلال طاہر ان کے فین بھی ہیں۔جنوبی افریقی اسپنر کے ہم شکل بلال طاہر ملتان سلطانز اور عمران طاہر کو اسپورٹ کرنے لاہور کے قذافی اسٹیڈیم پہنچ گئے۔
بلال طاہر کا کہنا ہے کہ میں 13 سال سے کوشش کر رہا ہوں کہ عمران طاہر سے ملاقات کروں۔انہوں نے کہا کہ مجھے اللہ تعالی نے ہی ایسا بنایا ہے کہ عمران طاہر سے شکل ملتی ہے، میں جہاں سے بھی گزرتا ہوں لوگ کہتے ہیں عمران طاہر گزر رہا ہے۔
بلال طاہر کا کہنا ہے کہ میں بھی کرکٹ کھیلتا ہوں اور میں سیلیبریشن بھی عمران طاہر کی طرح کرتا ہوں۔ان کا کہنا ہے کہ ملتان سلطانز بہت اچھا پرفارم کر رہی ہے، انشاءاللہ اس بار جیت بھی ملتان کی ہی ہو گی۔