سی ایس ایس سکریننگ ٹیسٹ کا پرچہ امتحان کے فوری بعد آؤٹ

اسلام آ باد (قدرت روزنامہ) وفاقی پبلک سروس کمیشن کی جانب سے لئے گئے سی ایس ایس امتحان کا پرچہ امتحان کے فوری بعد فیس بک پیج پر لگادیا گیا جس نے کمیشن کے کمزور انتظامی کنٹرول کو بے نقاب کر دیا ہے۔ایف پی ایس سی کا انکوائری کرانے کا فیصلہ،روزنامہ جنگ میں رانا غلام قادر کی خبر کے مطابق وفاقی پبلک سروس کمیشن نے سی ایس ایس 2022کے امتحان سے پہلے اتوار کے روز سکریننگ ٹیسٹ لیا جس میں تقریباً 62000امیدواروں نے حصہ لیا،یہ امتحان بیک وقت ملک کے 20شہروں کے 297سنٹرز میں منعقد کیا گیا،یہ سکریننگ ٹیسٹ

صبح نو بجے سے بارہ بجے تک لیا گیا، رولز کے تحت ہر امیدوار سے جوابی شیٹ امتحانی عملہ واپس لے لیتا ہے۔سیریل نمبر 41329والی شیٹ کے دس صفحات کو میز پر رکھ کر موبائل سے تصاویر بنا ئی گئیں اور امتحان ختم ہونے کے بعد ایک نجی سی ایس ایس اکیڈمی کے فیس بک پیج پر لگادیاگیا، کسی امیدوار کو موبائل فون لے جانے کی اجازت نہیں ہوتی لہٰذا غالب امکان یہ ہے کہ یہ پکچرز کسی سنٹر کے سپر وائزر نے لی ہیں ،اس عمل نے بہر حال سسٹم کے فول پروف ہونے کے بارے میں سوالات کو جنم دیا ہے۔ذ رائع کے مطابق ایف پی ایس سی نے اس معاملہ کی انکوائری کرانے کا فیصلہ کیا ہے۔