پیکا آرڈیننس مسترد، 35 پنکچر سے بڑی فیک نیوز ہے؟ پلوشہ خان کا استفسار

اسلام آباد(قدرت روزنامہ) پاکستان پیپلزپارٹی نے پیکا آرڈیننس کو مسترد کرتے ہوئے استفسار کیا ہے کہ 35 پنکچر کی بات سے بڑی فیک نیوز ہے؟

ہم نیوز کے مطابق پی پی کی مرکزی رہنما پلوشہ خان نے حکومت پر کڑی نکتہ چینی کرتے ہوئے کہا کہ اس سے قبل ضیا الحق نے بھی پریس پر پابندی لگائی تھی۔

انہوں نے کہا کہ لیکن اس ڈکٹیٹر کا حال بھی دیکھ لیں۔ انہوں ںے کہا کہ بیشک! سزا پانچ سال کے بجائے 50 سال کردیں مگر یہ ظلم ہے۔ انہوں نے کہا کہ آرڈیننس پر عمل کی شروعات آپ سے ہے۔

پلوشہ خان نے کہا کہ عمران خان تو اپنی ٹانگوں پر بھی نہیں کھڑے ہیں۔ انہوں نے چیلنج دیتے ہوئے کہا کہ عمران خان طاقت سے آواز کو دبا سکتے ہیں تو دبا لیں۔