راولپنڈی (قدرت روزنامہ) سکیورٹی فورسز نے ہوشاپ میں آ پریشن کے دوران 10 دہشتگردوں کو ہلاک کردیا، ہلاک دہشتگردوں میں اہم کمانڈرماسٹر آصف عرف مکیش بھی شامل ، ہلاک دہشتگرد تربت اور پسنی میں حالیہ دہشتگرد واقعات میں ملوث تھے۔
پاک فوج کے شعبہ تعلقات عامہ (آئی ایس پی آر ) کے مطابق سکیورٹی فورسز نے بلوچستان کے علاقے ہوشاپ میں دہشتگردوں کے خلاف آپریشن کیا ، آپریشن کے دوران فائرنگ کے تبادلے میں سکیورٹی فورسز نے 10 دہشتگردوں کو ہلاک کردیا، ہلاک ہونے والوں میں اہم دہشتگرد کمانڈرماسٹر آصف عرف مکیش بھی شامل ہے۔
سیکیورٹی فورسز کے آپریشن میں مارے جانے والے دہشتگرد تربت اور پسنی میں حالیہ دہشتگردی کے واقعات میں ملوث تھے۔ دہشتگردوں کے ٹھکانے سے بڑی تعداد میں ہتھیار اور گولیاں برآمد ہوئی ہیں۔ یہ ہتھیاردہشتگرد حملوں میں فورسز پر استعمال ہونے تھے۔ترجمان پاک فوج میجر جنرل بابر افتخار نے کہا کہ دہشتگردوں اور سہولتکاروں کے خاتمے کیلئے آپریشن جاری رہیں گے، بلوچستان میں امن واستحکام اور ترقی کے عمل کو سبوتاژ کرنے کی کسی کو اجازت نہیں دیں گے۔
