(قدرت روزنامہ)بلوچستان کے علاقے ہوشاب میں سیکیورٹی فورسز نے انٹیلی جنس بنیاد پر آپریشن کیا جس کے نتیجے میں 10 دہشتگرد مارے گئے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق سیکیورٹی فورسز نے انٹیلی جنس کی بنیاد پربلوچستان کےعلاقے ہوشاب میں دہشت گردوں کے خفیہ ٹھکانے پر آپریشن کیا۔
آئی ایس پی آر کے مطابق آپریشن کے دوران فورسز کے ساتھ فائرنگ کے شدید تبادلے میں 10 دہشت گرد مارے گئے۔
آئی ایس پی آر کا کہنا ہے کہ آپریشن دہشتگردوں کے کیمپ اور ٹھکانوں کی اطلاع پر کی گئی، ہلاک دہشتگردوں میں کمانڈر ماسٹر آصف عرف مکیش شامل ہے۔
آئی ایس پی آر کا یہ بھی کہنا ہے کہ ہلاک دہشتگرد تربت اور پسنی میں سیکیورٹی فورسز پرحملوں میں ملوث تھے۔
ترجمان پاک فوج کا کہنا تھا کہ آپریشن کے دوران دہشت گردوں کے ٹھکانے سے بڑی تعداد میں اسلحہ و ایمونیشن بھی برآمد کیا گیا ہے، یہ اسلحہ و ایمونیشن سیکیورٹی فورسز پر حملوں کی منصوبہ بندی کے لیے اکٹھا کیا گیا تھا۔
ترجمان پاک فوج کا مزید کہنا تھا کہ دہشت گردی کی کارروائیوں کے ذمہ داروں کے خاتمے کے لیے آپریشنز جاری رہیں گے، دہشت گردوں کو امن سبوتاژ کرنے کی اجازت نہیں دی جائے گی۔
کراچی (قدرت روزنامہ)جماعت اسلامی اور حکومت کےمعاہدے کی45 دن کی مدت مکمل ہوگئی، جماعت اسلامی…
نیویارک (قدرت روزنامہ) وزیرِ اعظم محمد شہباز شریف اقوام متحدہ کی جنرل اسمبلی کے اجلاس…
لاہور (قدرت روزنامہ)وزیر اعلیٰ خیبر پختونخوا علی امین گنڈاپور کے خلاف لاہور میں مقدمہ درج…
لاہور(قدرت روزنامہ) وزیر اطلاعات پنجاب عظمٰی بخاری نے کہا ہے کہ ہم نےگنڈا پورکا سافٹ…
اسلام آباد(قدرت روزنامہ) صدر مملکت آصف علی زرداری نے کہا ہے کہ پاکستان اور سعودی…
اسلام آباد (قدرت روزنامہ) 30 ستمبر سے پیٹرولیم مصنوعات کی قیمتوں میں مزید کمی کا…