والد کی موت کے باعث شان ٹیٹ کی پاکستان آمد تاخیر کا شکار

سڈنی (قدرت روزنامہ) پاکستان کرکٹ بورڈ (پی سی بی) نے منگل کو تصدیق کی کہ قومی ٹیم کے نئے باؤلنگ کوچ شان ٹیٹ کی پاکستان آمد ان کے والد کے انتقال کی وجہ سے تاخیر کا شکار ہے۔ پی سی بی کی جانب سے جاری کردہ بیان میں کرکٹ بورڈ نے 38 سالہ شان ٹیٹ سے ان کے فل ٹیٹ والد کے انتقال پر تعزیت کا اظہار کیا اور بتایا کہ ان کی پاکستان آمد میں تاخیر ہوئی ہے۔
شان ٹیٹ کی نئی آمد کی تاریخ مقررہ وقت پر تصدیق کر دی جائے گی۔

یاد رہے کہ شان ٹیٹ کو 12 ماہ کے لیے پاکستانی ٹیم کا نیا بولنگ کوچ مقرر کر دیا گیا۔ ٹیم کے ساتھ ان کی پہلی سیریز 24 سال بعد آسٹریلیا کا دورہ پاکستان ہوگی، جس کا پہلا ٹیسٹ 4 مارچ سے شروع ہوگا۔