پاکستان تحریک انصاف کے رہنما جہانگیر ترین علاج کیلئے لندن روانہ

لاہور (قدرت روزنامہ)پاکستان تحریک انصاف کے سینئر رہنما خرابی صحت کی بنا پر علاج کے لئے بذریعہ ائیر ایمبولینس لندن روانہ ہوگئے۔ برطانیہ میں ماہر ڈاکٹرز سے اپنا مکمل طبی معائنہ کرائیں گے۔

رپورٹ کے مطابق پی ٹی آئی کے سینئر رہنما جہانگیر ترین علاج کے لئے لندن روانہ ہوگئے ہیں جہان وہ اپنا چیک اپ کرائیں گے۔ روانگی سے قبل وزیراعظم عمران خان نے انہیں ٹیلی فون کرکے ان کی طبعیت کے متعلق دریافت کیا۔ گذشتہ دو سالوں میں دونوں دیرینہ ساتھیوں میں یہ پہلا رابطہ ہے۔ وزیراعظم نے جہانگیر ترین کی جلد صحت یابی کے لئے دعا بھی کی۔

یادرہے خرابی صحت کے باعث وہ تین دن لاہور کے ہپستال میں بھی زیرعلاج رہے تھے ۔پی ٹی آئی رہنما السر کے مرض میں مبتلا ہیں۔جہانگیر ترین ائیر ایمبولنس کے ذریعے لندن روانہ ہوئے ہیں ۔