میں سُننے والے تمام پاکستانیوں سے معافی مانگتی ہوں ، آسٹریلوی ٹیم کیساتھ آنیوالی خاتون صحافی نے کیوں معافی مانگ لی ؟

لاہور(قدرت روزنامہ) 24 سال بعد پاکستان کا دورہ کرنے والی آسٹریلوی کرکٹ ٹیم کے وفد کے ساتھ آنے والی خاتون صحافی نے پاکستانیوں سے ’معافی‘ مانگ لی۔ دل دل پاکستان غير ملکيوں کے دل ميں بھی دھڑکتا ہے، چند روز قبل آسٹريلوی صحافی ميلينڈا فيرل نے بھی دل دل پاکستان گاکر پاکستان سے اظہار محبت اور مرحوم جنيد جمشيد کو خراج عقيدت پيش کيا تھا۔سماجی رابطے کی ویب سائٹ ٹویٹر پر اپنے ایک بیان میں میلینڈا فیرل نے کہا کہ ’مجھے لگتا ہے میں اس ملک میں ہر سننے والوں سے معافی مانگتی ہوں کیونکہ لوگ مجھے کہتے ہیں دل دل پاکستان گانا سناؤ۔

اپنے بیان میں انہوں نے مزید لکھا کہ میں ہر بار اس گانے کو صحیح طریقے سے نہیں سنا پاتی اور یہ سب پاکستانی صحافی زینب عباس کی غلطی ہے‘۔آخر میں انہوں نے پاک آسٹریلیا سیریز کا ہیش ٹیگ بھی استعمال کیا۔اس سے قبل گزشتہ ماہ 27 فروری کو انہوں نے سماجی رابطے کی ویب سائٹ ٹویٹر پر لکھا تھا کہ ’پہلا پڑاؤ اسلام آباد۔ آسٹریلوی خاتون صحافی نے مزید لکھا تھا کہ پہلی چیز جو میں ایئر پورٹ پر سنتی ہوں وہ یقیناً گانا ہے جو مجھے یقین ہے میں آنے والے ہفتوں میں بہت بار سنوں گی‘۔ آخر میں میلینڈا فیرل نے دل دل پاکستان کا ہیش ٹیگ استعمال کیا۔