وزیر اعلیٰ بلوچستان کی پشاور بم دھماکے کی مذمت

کوئٹہ(قدرت روزنامہ) وزیراعلی بلوچستان میر عبدالقدوس بزنجو نے پشاور قصہ خوانی بازار دھماکے کی مذمت کرتے ہوئے کہا ہے کہ ملک کو دہشت گردی سے پاک کرنے کے لئے پوری قوم متحد ہے، دکھ کی اس گھڑی میں غمزدہ خاندانوں کے ساتھ ہیں۔ اپنے جاری کردہ بیان میں میر عبدالقدوس بزنجو نے کہا ہے کہ دھماکے میں انسانی جانوں کے ضیاع پر دلی رنج ہوا۔ انہوں نے کہاکہ دکھ کی اس گھڑی میں غمزدہ خاندانوں کے ساتھ ہیں، عوام اور سیکیورٹی فورسز نے پاکستان میں امن کے لئے جو قربانیاں دیں وہ ناقابل فراموش ہیں۔ انہوں نے دھماکے میں قیمتی انسانی جانوں کے ضیاع پر افسوس کا اظہار کرتے ہوئے شہداء کی درجات بلندی اور زخمیوں کی جلد صحت یابی کے لئے دعا کی۔