عمران خان اللہ تعالیٰ کی طرف سے ایک سزا ہے،معروف صحافی کا تہلکہ خیز دعویٰ

اسلام آباد (قدرت روزنامہ)عمران خان اللہ تعالیٰ کی طرف سے ایک سزا ہے، یہ بات معروف صحافی ہارون رشید نے نجی ٹی وی چینل کے پروگرام میں گفتگو کرتے ہوئے کیا، انہوں نے کہا کہ عمران خان کرپشن نہیں کرتے لیکن ہر بے ایمانی انہیں گوارا ہے، معروف صحافی نے کہا کہ جہانگیر ترین اپنا فیصلہ اس وقت کرے گا جب انتخابات سر پر ہوں گے، ہارون رشید نے اس موقع پر کہا کہ ترین گروپ اور عمران خان میں صلح ہونی چاہیے۔ دوسری جانب پاکستان تحریک انصاف کے سینئر مرکزی رہنماو سابق وفاقی وزیر ہمایوں اختر خان نے

کہا ہے کہ بہترہوتے معاشی اشاریے حزب اختلاف کے منفی پراپیگنڈے کا جواب ہیں،پاکستان خطے خصوصاً افغانستان کی صورتحال پر گہری نظر رکھے ہوئے ہے،وزیر اعظم عمران خان نے ہر کڑے وقت میں ثابت کیا ہے کہ انہیں پاکستان کا مفاد سب سے زیادہ مقدم ہے،کنٹونمنٹ بورڈز کے بلدیاتی انتخابات میں بھی کامیابی حاصل کریں گے۔ان خیالات کا اظہار انہوں نے اپنے دفتر میں پارٹی کے اکابرین سے گفتگو کرتے ہوئے کیا۔ہمایوں اخترخان نے کہا کہ حزب اختلاف کی جماعتیں پی ڈی ایم کے پلیٹ فارم سے اور انفرادی طو رپر ہر طرح کی سیاسی مشقیں کر کے دیکھ چکی ہیں اور ان پر واضح ہو گیا ہے کہ عوام وزیراعظم عمران خان کی پالیسیوں سے مطمئن ہیں اور ان کے کسی بہکاوے میں نہیں آئیں گے۔ وزیر اعظم عمران خان نے خارجہ سطح پر بروقت اور درست فیصلوں سے ثابت کیا ہے کہ وہ ایک دور اندیش اور مدبر لیڈرہیں۔ انہوں نے کہا کہ پاکستان معاشی طور پر بہتری کی جانب گامزن ہے جس کا ثبوت وزارت خزانہ کی تازہ ترین معاشی آؤٹ لک رپورٹ ہے، درآمدات بڑھنے کی وجہ بڑی صنعتوں کیلئے مشینری کامنگوایا جاناہے جو انڈسٹری کے ترقی کرنے کی نویدہے۔ ہمایوں اخترخان نے کہا کہ خطے کی صورتحال انتہائی گھمبیر ہے لیکن پاکستان کی حکومت اور قومی سلامتی کے ادارے کسی بھی صورتحال سے نمٹنے کیلئے ایک پیج پر ہیں اور انہیں عوام کی بھرپور سپورٹ حاصل ہے اور یہی اصل تقویت ہے جس سے ہمارے دشمن خوفزدہ ہیں۔ وزیر اعظم عمران خان کی قیادت میں پاکستان ہر کڑے وقت سے سرخرو ہو کر نکلے گا اور دنیا کی کوئی طاقت پاکستان کو آگے بڑھنے سے نہیں روک سکتی۔