رفیق تارڑ کی وفات ہمارے لیے ایک ذاتی صدمہ ہے، مریم نواز
اسلام آباد(قدرت روزنامہ)مسلم لیگ ن کی رہنما مریم نواز نے سابق صدر رفیق تارڑ کی وفات پر گہرے دُکھ کا اظہار کرتے ہوئے کہا کہ سابق صدر رفیق تارڑ کی وفات ہمارے لیے ایک ذاتی صدمہ ہے .
مریم نواز نے نواز شریف کے ہمراہ رفیق تارڑ کی ایک تصویر ٹوئٹر پر شیئر کی اور ساتھ خراج عقیدت پیش کرتے ہوئے کہا کہ رفیق تارڑ کی آئین، قانون اور جمہوریت کیلئے خدمات ہمیشہ یاد رکھی جائیں گی .
انہوں نے کہا کہ مرحوم رفیق تارڑ نواز شریف کے باوفا دوست اور ساتھی تھے .
مریم نواز نے یہ بھی کہا کہ رفیق تارڑ مسلم لیگ کے لیے سیاسی پیشوا کی حیثیت بھی رکھتےتھے، اللّہ تعالی مرحوم رفیق تارڑ کے درجات بلند فرمائے .
خیال رہے کہ پاکستان کے سابق صدر محمد رفیق تارڑ علالت کے بعد 92 برس کی عمر میں انتقال کر گئے .
محمد رفیق تارڑ 2 نومبر 1929 کو پیر کوٹ میں پیدا ہوئے . رفیق تارڑ 1989 سے 1991 تک لاہور ہائیکورٹ کے چیف جسٹس رہے، وہ 1991 سے 1994 تک سپریم کورٹ کے جج رہے .
. .سابق صدر رفیق تارڑ صاحب کی وفات ہمارے لیے ایک ذاتی صدمہ ہے . ان کی آئین قانون اور جمہوریت کے لیے خدمات ہمیشہ یاد رکھی جائیں گی . وہ نواز شریف کے باوفا دوست اور ساتھی ہونے کے ساتھ ساتھ مسلم لیگ کے لیے سیاسی پیشوا کی حیثیت بھی رکھتے تھے . اللّہ تعالی انکے درجات بلند فرمائے . آمین 🤲🏼 pic.twitter.com/6vGciw7qHV
— Maryam Nawaz Sharif (@MaryamNSharif) March 7, 2022
