سیکیورٹی فورسز نے بلوچستان میں آپریشن کے دوران 7 دہشتگرد ہلاک کردیے

راولپنڈی (قدرت روزنامہ) پاک فوج کا دہشت گردوں اور ان کے سہولتکاروں کے خلاف ملک بھر میں آپریشن ردالفساد کامیابی سے جاری ہے، سیکیورٹی فورسز نے بلوچستان میں آپریشن کے دوران سات دہشتگرد ہلاک کردیے، دہشتگرد مکران ڈویژن میں سیکیورٹی فورسز پرحملوں میں ملوث تھے، دہشتگردوں سے بھاری مقدار میں اسلحہ اور گولہ بارود برآمد ہوا ہے .

پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے بلوچستان میں دہشتگردوں کی موجودگی پر آپریشن کیا .

فائرنگ کے تبادلے میں سرغنہ سمیت 7 دہشتگرد مارے گئے . دہشتگرد مکران ڈویژن میں سیکیورٹی فورسز پرحملوں میں ملوث تھے . آئی ایس پی آر کا کہنا ہے کہ کلیئرنس آپریشن کے دوران دہشتگردوں نے کیمپ سے فرار ہونے کی کوشش کی . فرار ہوتے وقت دہشتگردوں نے سیکیورٹی فورسز پر فائرنگ کردی . فائرنگ کے تبادلے میں سرغنہ سمیت 7 دہشتگرد مارے گئے . دہشتگردوں سے بھاری مقدار میں اسلحہ اور گولہ بارود برآمد ہوا ہے، اسلحہ دہشتگردانہ کارروائیوں میں استعمال ہونا تھا .