اسلام آباد (قدرت روزنامہ) وزیرداخلہ شیخ رشید کا کہنا ہے کہ عدم اعتماد کے دن پارلیمنٹ ہاؤس لاجز کو رینجرز اور ایف سی کے حوالے کر رہے ہیں۔انہوں نے اسلام آباد میں پریس کانفرنس کرتے ہوئے کہا کہ نواز شریف اور آصف زرداری مولانا فضل الرحمن کو استعمال کر رہے ہیں۔کوئی ایسا واقعہ نہ ہوجائے جو ملک کی بدنامی کا باعث بنے۔
انصارالاسلام سے کہا ہے کوئی بندہ وردی میں اسلام آباد نہ آئے، فضل الرحمان نے اچھا کیا احتجاج کی کال واپس لے لی۔ مولانا فضل الرحمن خدا کے واسطے دینی مدرسے کے طلباء کو استعمال نہیں کریں۔میں لحاظ نہیں کروں گا کہ کون کتنا بڑا لیڈر ہے۔کوئی بھی پارٹی لیڈر سازش میں ملوث پایا گیا تو پکڑیں گے۔جو ملیشیا کے لباس میں اسلام آباد آیا اسے نہیں چھوڑوں گا۔
آپ کو حق نہیں نجی ملیشیاء کے ذریعے ریڈزون میں دہشت گردی کریں۔یہ ٹریلر کے طور پر ہم نے نارمل پرچے کیے پھر نہ کہنا بندے اٹھائے گئے۔جس نے قانون کو ہاتھ میں لیا اس سے اٹھا لیں گے۔سینئر پارلیمنٹیرین کے طور پر کہتا ہوں کہ آپ پر برا وقت آنے والا ہے۔تحریک عدم اعتماد اپوزیشن کا جمہوری حق ہے۔یہ بہت اچھی بات ہے یہ کہتے ہیں کہ فوج نیوٹرل ہے۔
اپوزیشن سے درخواست ہے کہ کسی غلط فہمی کا شکار نہ ہونا۔مولانا فضل الرحمان پہلے بھی استعمال ہوئے ہیں۔انہوں نے پلاننگ کے تحت مین گیٹ پر قبضہ کیا پھر اپنے بندے داخل کیے۔401 نمبر کمرے کے علاوہ ہم نے کسی کا دروازہ نہیں کھٹکھٹایا۔شیخ رشید نے کہا کہ آج وزیراعظم عمران خان کے ساتھ میں نے دیر جانا تھا۔یہاں کچھ فیصلے کرنے تھے اس لئے رک گیا ہوں۔۔یہ عدم اعتماد سے بھی بھاگ جائیں گے۔یہ کسی اور طرف گئے تو پھر دھر لیے جائیں گے۔172 بندے نہیں لا سکتے تو چپ کرکے پرانی تنخواہ پر کام کریں۔آپ عمران خان سے ذاتی لڑائی لڑنے جارہے ہیں جمہوری نہیں۔اس سے آپ کی سیاست کا پتا صاف اور جھاڑو پھر سکتا ہے۔
اسلام آباد (قدرت روزنامہ) وزیراعظم شہباز شریف کا کہناہے کہ آئی ایم ایف پروگرام دلوانے…
ممبئی(قدرت روزنامہ)بالی ووڈ اداکار ارشاد وارثی نے سائنس فکشن فلم کالکی 2898 اے ڈی کے…
نئی دہلی (قدرت روزنامہ) بھارتی کرکٹر ویرات کوہلی نے سابق لیجنڈری بلے باز سچن ٹنڈولکر…
اسلام آباد (قدرت روزنامہ) ملک میں سیمنٹ کی ریٹیل قیمت میں مسلسل دوسرے ہفتے بھی…
اسلام آباد (قدرت روزنامہ)ایف بی آر نے گوشوارے جمع کرانے کی آخری تاریخ سےمتعلق اہم…
گوجرانوالہ (قدرت روزنامہ)دوسری شادی پر شوہر کے گھر کو آگ لگانے والی خاتون کے خلاف…