اسلام آباد (قدرت روزنامہ)شاہ محمود قریشی نے کہا ہے کہ بھارتی میزائل کو ایئر فورس مانیٹر نہ کرتی تو ایک اور جنگ چھڑ سکتی تھی۔وفاقی وزیر خارجہ شاہ محمود قریشی نے کہا کہ بھارت کہہ رہا ہے یہ میزائل کا گرنا ایک حادثہ ہے، اگر اس حادثاتی فائر سے کوئی نقصان ہو جاتا تو کون ذمہ دار ہوتا؟
انہوں نے کہا کہ اگر پاکستانی ایئر فورس اس کو مانیٹر نہ کرتی تو تیسری جنگ چھڑ سکتی تھی، انٹرنیشنل ایوی ایشن اتھارٹی قوانین کی خلاف ورزی پر نوٹس لے، اگر یہ پاکستان سے ہوتا تو انڈین میڈیا آگ بگولہ ہوتا۔
شاہ محمود قریشی نے کہا کہ پاکستان کے میڈیا کو اس معاملے کو اجاگر کرنا چاہیے، میزائل میان چنوں پر گرا اگر شہر پر گرتا تو کون ذمہ دار ہوتا، جو مسافر جہاز جا رہا تھا اگر وہ گر جاتا تو معصوم جانوں کے ضیائع کا کون ذمہ دار ہوتا۔
وفاقی وزیر خارجہ نے کہا کہ یہ بھیانک کارروائی ہے، ہمیں مطمئین کیا جائے۔واضح رہے کہ بھارت نے 9 مارچ کو پاکستانی فضائی حدود کی خلاف ورزی کرنے کا اعتراف کرلیا تھا ۔
بھارتی میڈیا کی رپورٹس کے مطابق بھارتی وزارت دفاع کا کہنا تھا کہ 9 مارچ 2022 کو معمول کی دیکھ بھال کے دوران تکنیکی خرابی کی وجہ سے ایک میزائل حادثاتی طور پر فائر ہوا۔
بھارتی وزارت دفاع کے حکام کا کہنا تھا کہ حکومت نے معاملے پر سنجیدگی سے غور کیا ہے اور ایک اعلیٰ سطحی انکوائری کا حکم دیا ہے۔بھارتی وزارت دفاع کے حکام کا کہنا تھا کہ معلوم ہوا ہے کہ میزائل پاکستان کے ایک علاقے میں گرا۔واقعہ انتہائی افسوسناک ہے تاہم اچھی بات یہ ہے کہ حادثے سے کوئی جانی نقصان نہیں ہوا۔
اسلام آباد (قدرت روزنامہ)سینیئر سیاستدان و سابق وفاقی وزیر شیریں مزاری نے بھی افغان قونصل…
اسلام آباد (قدرت روزنامہ) سی پی پی اے نے بجلی کی قیمتوں میں کمی کی…
پشاور (قدرت روزنامہ) خیبرپختونخوا کابینہ نےمجوزہ آئینی ترمیم کےخلاف سپریم کورٹ میں درخواست دائر کرنے…
اسلام آباد(قدرت روزنامہ) وزیر قانون اعظم نذیر تارڑ نے کہا ہے کہ جسٹس قاضی فائز…
ممبئی(قدرت روزنامہ)بالی ووڈ اداکار ویویک اوبرائے نے انکشاف کیا کہ انہیں انڈرورلڈ سے سنگین دھمکیاں…
فیصل آباد(قدرت روزنامہ)پاکستان کرکٹ ٹیم کے جارح مزاج بیٹر آصف علی نے کہا کہ وہ…