پارلیمنٹ حملہ کیس ترین، عارف علوی اور علیم خان سمیت پی ٹی آئی قیادت بری

اسلام آباد(قدرت روزنامہ)انسداد دہشتگردی کی عدالت نے پارلیمنٹ حملہ کیس میں صدر عارف علوی سمیت پی ٹی آئی قیادت کو بری کردیا . نجی ٹی وی جیو نیوز کے مطابق اسلام آبادکی انسداد دہشتگردی کی عدالت کے جج محمد علی وڑائچ نے بریت کی درخواستوں پر فیصلہ سنایا جس میں عدالت نے صدرعارف علوی، وزیر خارجہ شاہ محمود قریشی، وزیر منصوبہ بندی اسد عمر، وزیر دفاع پرویز خٹک اور وزیر تعلیم شفقت محمود کو بری کردیا .

اس کے علاوہ عدالت نے صوبائی وزیر خیبرپختونخوا شوکت یوسفزئی، اعجاز چوہدری، علیم خان اور جہانگیر ترین کی بھی مقدمے سے بریت کی درخواستیں منظور کرلیں . عدالت

میں دورانِ سماعت پراسیکیوشن نے ملزمان کی بریت کی درخواستوں پر کوئی مخالفت نہیں کی . واضح رہے کہ پارلیمنٹ حملہ کیس کا مقدمہ 30 اگست 2014 کو تھانہ سیکرٹریٹ میں درج کیا گیا تھا اور وزیراعظم عمران خان پہلے ہی مقدمہ سے بری ہوچکے ہیں .