پی ٹی آئی کے غائب ہونیوالےارکانِ اسمبلی ہمارے پاس ہیں یا نہیں؟پیپلزپارٹی رہنما نے واضح کر دیا

اسلام آباد(قدرت روزنامہ) پاکستان پیپلز پارٹی کے رہنما فیصل کریم کنڈی نے پی ٹی آئی ارکین کو غائب کرنے کی خبروں کی تردید کرتے ہوئے کہا ہے کہ ہمارے پاس اپنے صرف اپنے ایم این ایز ہیں۔نجی ٹی وی کے پروگرام میں گفتگو
کرتے ہوئے فیصل کریم کنڈی نے کہا کہ ہمارے پاس پی ٹی آئی کاکوئی ایم این نہیں ہے الٹا حکومت نے ارکان اسمبلی کو دھمکیاں دی ہیں۔انہوں نے مزید کہا کہ سندھ ہاؤس میں پیپلز پارٹی کے ایم این ایز موجود ہیں جن کی سیکیورٹی کے لیے ہم نے مزید نفری طلب کی ہے۔خیال رہے کہ اس سے قبل یہ خبریں آئی تھیں کہ پی ٹی آئی کے کئی ارکان کو پیپلز پارٹی نے “غائب” کیا ہوا ہے۔ ان خبروں کی سپیکر پنجاب اسمبلی چوہدری پرویز الہٰی نے بھی تصدیق کی اور کہا کہ پی ٹی آئی کے 10 سے 12 ایم این اے اپوزیشن جماعتوں کی حفاظتی تحویل میں ہیں۔