کوئٹہ (قدرت روزنامہ) حق دو تحریک کے قائد،جماعت اسلامی بلوچستان کے جنرل سیکرٹری مولاناہدایت الرحمان بلوچ نے کہاکہ بلوچستان کے عوام کو آئنی معاشی حقوق دینے کیساتھ ظلم وجبر ،نوجوانوں کو بے روزگاری اور منشیات سے بچاکر روزگارتعلیم اورسہولیات فراہم کی جائیں۔حکمرانوں نے بلوچستان کو عوام کو ہمیشہ دھوکہ دیا ہے مقتدرقوتیں بلوچستان کے عوام کو انسان نہیں سمجھتے لاپتہ افرادکی بازیابی،اغواءبرائے تاوان وبدامنی کا خاتمہ ہماری ترجیحات میں شامل ہے۔بلوچستان کو حق دوتحریک کے ذریعے جعلی نمائندوں سے نجات حاصل کی جائیگی اللہ کے بعد نوجوانوں اور عوام کی سرپرستی حاصل ہے ۔ حق دوتحریک بلوچستان کے عوام کو حقوق دینے کی آئنی محب وطن قوتوں ومظلوم عوام کی تحریک ہے حق دوتحریک نہ سی پیک اورنہ ہی پاکستان کے خلاف ہے۔ ان خیالات کا اظہارانہوں نے گوادرمیں نوجوانوں کی تقریب بعدازاں مختلف وفودسے ملاقات کے دوران گفتگومیں کیاانہوں نے کہاکہ اہل بلوچستان حق دو تحریک کے ساتھ ہیں حق دو تحریک گوادرڈویژن سمیت صوبہ بھر کے مظلوم عوام کو جائز آئنی معاشی حقوق دلاکر ترقی وخوشحالی کی راہ پر گامزن کریگی بلوچستان کے عوام کوحق دوتحریک کی کامیابی سے حقوق ملیں گے حق دوتحریک کی کامیابی سے بلوچستان بھر سے چیک پوسٹوں کا خاتمہ ہوا ساحل پر کچھ عرصے کیلئے ٹرالر مافیا میں کمی آئی جس کی وجہ سے مچھیروں میں خوشی کی لہر دوڑگئی ہم ساحل وبارڈر ٹریڈ میں بھتہ خورکرپشن مافیازکو ناکام بنائیں گے ۔کرپٹ مافیا بہت طاقت ورہیں جو صوبائی حکومت کے کنٹرول میں بھی نہیں یا صوبائی حکومت کے کچھ لوگوں کو خوش کرنے کیلئے انہیں بھتہ دیتے ہیں جس کی وجہ سے اہل بلوچستان کے بارڈرٹریڈاور ساحل پر کام کرنے میں مشکلات وپریشانیاں درپیش ہیں مچھیروں ،تاجروں کو آسانی وسہولیات کا مطالبہ جائز ہے جو حکمرانوں کو ہر صورت مانناہوگا ٹرالرمافیاسے نجات ،بارڈرپر سیکورٹی کے نام پر بھتہ ورشوت کا خاتمہ وقت کی اہم ضرورت ہے عوام کے مسائل کا حل حکمرانوں کی ذمہ داری ہے وعدہ خلافی ،یوٹرن کے نام پر دھوکہ دینے کی روش حکمرانوں کو زیب نہیں دیتی ۔جماعت اسلامی اہل بلوچستان کے کمزور آوازکو توانابنانے کیلئے کوشاں ہیں بلوچستان کے عوام کو پینے کاصاف پانی تک میسر نہیں۔منتخب نمائندے غافل ،بدعنوانی عروج پر کوئی پوچھنے والا نہیں ،بلوچستان میں نہ احتساب ہے اور نہ کسی کو رکھوانے والاکوئی ادارہ جس کی وجہ سے بدعنوانی ولوٹ مار میں کمی کے بجائے روزافزوں اضافہ ہورہا ہے۔جماعت اسلامی قوم کو منظم کر رہی ہے ۔
راولپنڈی(قدرت روزنامہ)پاکستان تحریک انصاف (پی ٹی آئی) کے رہنما زین قریشی نے کہا ہے کہ…
لاہور(قدرت روزنامہ)علامہ اقبال ایئر پورٹ پر دبئی کے مسافر کے قبضے سے اڑھائی کلو گرام…
کراچی(قدرت روزنامہ)سینیئر اداکار فیصل قریشی کی اہلیہ ثنا فیصل کی جانب سے حال ہی میں…
گابا(قدرت روزنامہ)قومی کرکٹ ٹیم کے کپتان محمد رضوان نے آسٹریلیا کے خلاف میچ کے بعد…
لاہور (قدرت روزنامہ ) وزیر اعلیٰ پنجاب مریم نواز نے مظفر آباد میں مسافر وین…
کراچی(قدرت روزنامہ)سینیئر اداکارہ مشی خان نے ٹک ٹاکرز سمیت عام خواتین اور لڑکیوں کو مشورہ…