حکومت کے اپنے ارکان ساتھ نہیں تو ہمارا ساتھ رہنے کا کیا جواز ؟طارق بشیر چیمہ نے حکومت کی مشکلات میں مزید اضافہ کر دیا

اسلام آباد(قدرت روزنامہ) مسلم لیگ ق کے سینئر رہنما اور وفاقی وزیر طارق بشیر چیمہ نے کہا ہے کہ اگر حکومت کے ساتھ اپنے ارکان ہی نہیں ہیں تو ہمارا ساتھ رہنے کا کیا جواز ہے۔

نجی ٹی وی اے آروائی نیوز سے گفتگو کرتے ہوئے طارق بشیر چیمہ نے کہا کہ اگر حکومت کے اپنے ارکان ہی اس کے ساتھ نہیں تو ہم کیوں رہیں۔انہوں نے کہا کہ یہاں تو ایک ایک سیٹ والے لوگ مزے کر رہے ہیں اور وزارت سنبھالے ہوئے ہیں۔وفاقی وزیر نے کہا کہ تمام پارٹیاں فیصلہ کرنے کے قریب پہنچ گئی ہیں،ہمارے لیے فیصلہ کرنا مشکل نہیں ہے۔طارق بشیر چیمہ نے کہا کہ اگر کسی نے پیسے لیے ہیں تو اسے سب کے سامنے لانا چاہیے،گورنر راج کی باتوں پر اب بہت تاخیر ہو چکی ہے۔ق کے رہنما نے مزید کہا کہ مونس الہی کی نواز شریف کے ساتھ کوئی ملاقات شیڈول نہیں ہیں۔