“اگلے الیکشن میں اگر پی ٹی آئی پرائز بانڈ کے ساتھ بھی ٹکٹ بانٹے تو کوئی نہیں لے گا” شہباز شریف کی پیشگوئی

لاہور(قدرت روزنامہ)صوبائی اسمبلی میں قائد حزب اختلاف شہباز شریف نے آئندہ آنے والے الیکشن سے متعلق دعویٰ کیا ہے کہ اگر پی ٹی آئی پرائز بانڈ کے ساتھ بھی ٹکٹ دے تو کوئی نہیں لے گا، لوگ ہماری پارٹیوں کا ٹکٹ ہی لیں گے۔

نجی ٹی وی ہم نیوز کے مطابق شہباز شریف نے کہا کہ حکومت دھمکیاں دینے سے باز آئے،ضمیر کی آواز پر جو لوگ ووٹ دینا چاہتے تھے انہوں نے ن لیگ کا رخ کیا ہے،مزید بھی حکومتی اتحادیوں کے ساتھ بات چیت جاری ہے۔انہوں نے کہا کہ عمران خان نے پاکستان کو ایک طوفان میں پھنسا دیا ہے،حکومت کو آئین سے ٹکراؤ کی اجازت نہیں دے سکتے ،ہم جلد از جلد شفاف انتخابات کی طرف جانا چاہتے ہیں۔شہباز شریف نے مزید کہا کہ اگر یہ ثابت ہو گیا کہ ہارس ٹریڈینگ ہوئی ہے میں اپنا استعفی دے کر گھر چلا جاؤں گا۔