عروہ حسین اور فرحان سعید نے ایک بار پھر ساتھ رہنے کا فیصلہ کرلیا

اسلام آباد (قدرت روزنامہ)پاکستان شوبز انڈسٹری کی خوبرو ماڈل، میزبان اور اداکارہ عروا حسین اور گلوکار و ایکٹر فرحان سعید نے ایک بار پھر ساتھ رہنے کا فیصلہ کرلیا۔

متعدد میڈیا رپورٹس کے مطابق فرحان سعید اور عروہ حسین اب مزید علیحدگی کی زندگی نہیں گزاریں گے، یہ جوڑی تمام اختلافات کوبھلا کر اب ازدواجی زندگی کی جانب واپس آ چکی ہے۔

مختلف سوشل میڈیا ذرائع کی جانب سے دعویٰ کیا جا رہا ہے کہ اب یہ جوڑی بہت جَلد اسکرین پر بھی دوبارہ ایک ساتھ نظر آنے والی ہے۔

حال ہی میں اداکارہ زارا نور عباسی نے اپنی سالگرہ کی تقریب کی چند تصاویر اور ویڈیوز انسٹاگرام پر شیئر کیں۔

زارا نور کی جانب سے شیئر کی گئی پوسٹ میں فرحان سعید کو گنگناتے ہوئے دیکھا جاسکتا ہے۔

اس ہی طرح ایک تصویر کے بیک گراؤنڈ میں عروہ حسین کی جھلک بھی دیکھی جاسکتی ہے۔

واضح رہے کہ اداکارہ و ماڈل عروہ حسین اور گلوکار و اداکار فرحان سعید 16 دسمبر 2016 کو رشتہ ازدواج میں منسلک ہوئے تھے۔

اس سے قبل اداکارہ عروہ حسین اور گلوکار فرحان سعید کی علیحدگی سے متعلق خبریں سامنے آئی تھیں تو ایسی تمام تر خبروں کی تردید عروہ کے والد نے کی تھی۔