سندھ ہاؤس پر حملہ، اسلام آباد کی انتظامیہ نے بڑا قدم اٹھا لیا

اسلام آباد(قدرت روزنامہ) سندھ ہاؤس پر پاکستان تحریک انصاف (پی ٹی آئی) کے مشتعل کارکنوں کے حملے کے بعد اسلام آباد کی ضلعی انتظامیہ نے ریڈ زون میں دفعہ 144 کا دائرہ کار وسیع  کر دیا۔

 نو ٹیفکیشن کے مطابق ریڈزون کے باہر ایک کلومیٹر تک کا  علاقہ بھی ریڈزون میں شامل ہو گا۔ ایمبیسی روڈ،ساؤتھ یونیورسٹی روڈ، خیابان اقبال، شاہراہ سہروردی،  سیرینا چوک، ڈھوکری چوک کو بھی ریڈزون قرار دے دیا گیا ہے۔  اس کے علاوہ مری روڈتھرڈ ایونیو، خیابان اقبال کا ساؤتھ ایریا، چائنہ ایمبیسی بھی ریڈزون ایریا قرار دیے گئے ہیں۔سیکیورٹی فورسز کو ریڈزون میں ہمہ وقت ریڈالرٹ رہنے کی ہدایت کی گئی ہے۔

نوٹیفکیشن کے مطابق ریڈزون میں پانچ سے زائد افراد کے اجتماع پر پابندی ہوگی اور اس کی خلاف ورزی کرنیوالوں کیخلاف سخت قانونی کارروائی کی جائے گی۔ ضلعی انتظامیہ نے دفعہ 144 دو ماہ کیلئے نافذ کی ہے۔