ہانیہ عامر اپنی سالگرہ پر کیا کرنا چاہتی ہیں؟ اداکارہ نے بتادیا

(قدرت روزنامہ)پاکستان کی نامور اداکارہ ہانیہ عامر نے اپنی سالگرہ پر کچھ انوکھا کرنے کی خواہش ظاہر کردی۔

اداکارہ ہانیہ کی سوشل میڈیا پر ایک ویڈیو وائرل ہوگئی ہے جس میں وہ اپنی خواہشات سے متعلق بات کر رہی ہیں۔

اداکارہ نے کہا کہ وہ ٹرک اور رکشہ چلانا چاہتی ہیں اور اُن کی خواہش ہے کہ وہ اپنی سالگرہ پر رکشہ چلائیں۔

اس ویڈیو کے کمنٹ باکس میں مداحوں کی جانب سے ہانیہ عامر کی اِن خواہشات کو عجیب و غریب قرار دیا جا رہا ہے۔

اس سے قبل اداکارہ ہانیہ عامر کی نئی ڈانس ویڈیو سوشل میڈیا پر وائرل ہو گئی تھی۔

سوشل میڈیا سائٹ انسٹاگرام پر ایک ویڈیو وائرل ہو گئی تھی جس میں اداکارہ ہانیہ اور اداکار علی رحمان کو ڈانس کرتے ہوئے دیکھا گیا تھا۔

یہ ڈانس ویڈیو ان کی نئی فلم پردے میں رہنے دو کے گانے پر بنائی گئی تھی۔

اس سے قبل ہانیہ عامر اور علی رحمان نے اپنے پہلے گانے پیلا رنگ کی ریلیز کی تشہیر انوکھے انداز سے کی تھی ۔

سماجی رابطے کی ویب سائٹ ٹوئٹر پر دونوں اداکاروں کی ایک ویڈیو وائرل ہوئی تھی۔

وائرل ویڈیو میں اداکار علی اور ہانیہ کو کلفٹن سے اپنے ساتھیوں کے ساتھ کھلے ٹرک میں سوار دیکھا گیا تھا۔

ویڈیو میں سارے راستے تمام فنکاروں نے خوب ہلہ گلہ کیا تھا۔

واضح رہے کہ اداکارہ ہانیہ عامر سوشل میڈیا پر بہت زیادہ متحرک رہتی ہیں اور اپنی نئی نئی تصاویر اور ویڈیوز مداحوں کے ساتھ شیئر کرتی رہتی ہیں