عمران خان وزیراعظم نہیں رہے ان کی کابینہ تحلیل ہوچکی ہے ،فیصل کریم کنڈی

اسلام آباد (قدرت روزنامہ) ترجمان پیپلز پارٹی فیصل کریم کنڈی نے کہا ہے کہ عمران خان وزیراعظم نہیں رہے ان کی کابینہ تحلیل ہوچکی ہے ،عمران خان جتنی ہٹ دھرمی کرینگے اتنے ہی خوار ہونگے ۔

اپنے ایک بیان میں فیصل کریم کنڈی نے کہا کہ سابق وزیراعظم کی کابینہ کے وزراء اور معاوین کو ملک سے بھاگنے نہ دیا جائے گورنر سندھ ، پنجاب اور خیبرپختونخوا کے نا م بھی ای سی ایل میں ڈالے جائیں ۔ انہوں نے کہا کہ سندھ ہاوس پر حملہ آوروں کو زبردستی رہا کرانے پر شہباز گل کے خلاف دہشت گردی کا مقدمہ درج کیا جائے وزارت داخلہ ، عمران خان ، شاہ محمود ، شیخ رشید کے نام بھی ای سی ایل میں رکھے انہوں نے کہا کہ عمران خان جتنی ہٹ دھرمی کرینگے اتنے ہی خوار ہونگے