اپوزیشن کے گرد گھیرا تنگ ہوچکا ہے، جلد یہ سب گرفت میں ہوں گے، شفقت محمود

اسلام آباد(قدرت روزنامہ)وفاقی وزیر شفقت محمود نے کہا ہے کہ اپوزیشن، ملک کی ترقی دیکھ کر گھبرا چکی ہے، ان کے گرد گھیرا تنگ ہوچکا ہے جلد ہی یہ سب گرفت میں ہونگے۔

فیصل آباد میں سرکٹ ہاؤس میں میڈیا سے گفتگو کرتے ہوئے وفاقی وزیر برائے تعلیم شفقت محمود نے کہا کہ تحریک عدم اعتماد ناکام ہوگی۔

ان کا کہنا تھا کہ سندھ ہاؤس میں بولیاں لگائی جارہی ہیں ملک میں ہارس ٹریڈنگ کا تماشہ لگاہوا ہے لیکن وزیراعظم نے منخرف ارکان کو معاف کرنے کا کہا ہے، ان کیلئے دروازے کھلے ہیں تو واپسی کا سوچیں۔

انہوں نے کہا کہ ہارس ٹریڈنگ کے معاملے پر عوام میں غصہ ہے، عوام منحرف ارکان کا سیاسی و سوشل بائیکاٹ کرے گی اور یہ اپنی سیاست کو بھی داؤ پر لگائیں گے۔