اسلام آباد ( قدرت روزنامہ ) وزیر خارجہ شاہ محمود قریشی نے کہا ہے کہ دنیا کو ہنگامہ خیز صورتحال کا سامنا ہے اور اس وقت جاری مشرق و مغرب کے درمیان کشیدگی کی وجہ سے عالمی امن کو خطرہ ہے ۔ تفصیلات کے مطابق اوآئی سی وزرائے خارجہ کونسل کے اجلاس میں میں خطاب کرتے ہوئے انہوں نے کہا کہ اوآئی سی 2 ارب مسلمانوں کی مشترکہ آوازہے ، افغانستان میں جاری صورتحال دنیا کے سامنے ہے ، افغانستان میں نئی حکومت ،انسانی بحران اور افغانوں کی مدد چیلنج رہا ، او آئی سی کے ذریعے دنیا کی توجہ افغانستان کی جانب مبذول کرانا چاہتےہیں ، اسلامو فوبیا کے خلاف اقوام متحدہ میں پیشر فت خوش آئند ہے ، پاکستان نے اسلام وفوبیا کے خلاف قرارداد کیلئے کردار ادا کیا ، یواین نے ہماری آوازپر 15 مارچ کواسلاموفوبیا سے متعلق عالمی دن مقررکیا کیوں کہ پاکستان نے دنیا میں ہر فورم پر اسلامو فوبیا کے خلاف آواز اٹھائی۔
وزیر خارجہ نے کہا کہ ہم نے خطے میں امن کی بات کی اور استحکام کے لیے اقدامات کرتے رہے ہیں ، پاکستان او آئی سی کے کردار کو مزید مضبوط بنانے کا خواہاں ہے ، جس کے لیے پاکستان نے اکنامک ڈپلومیسی کوفروغ دیا ، افغانستان کو دہائیوں چیلنجز اور مشکلات کا سامنا رہا ، پاکستان نے افغانستان کے لیے نمائندہ خصوصی مقرر کیا ، پاکستان نےافغانستان سے متعلق اوآئی سی خصوصی اجلاس کی میزبانی کی ، افغانستان میں انسانی بحران سے بچنے کیلئے ٹرسٹ فنڈ قائم کیا گیا۔
شاہ محمود قریشی نے کہا کہ آج مسلمان ممالک میں بیرونی مداخلت جاری ہے ، مسلم ممالک کومشرق وسطیٰ میں تنازعات کا سامنا ہے ، فلسطین کے مسلمانوں کو ان کا حق نہیں دیا جارہا ، مقبوضہ کشمیراور فلسطین گزشتہ 7 دہائیوں سے قبضے کا شکارہیں ، مقبوضہ کشمیرمیں خونریزی جاری ہے، آرایس ایس نظریےسے متاثربھارتی حکومت کشمیرمیں ظلم ڈھارہی ہے، کشمیری حق خودارادیت کی جنگ لڑ رہے ہیں۔
انہوں نے کہا کہ دنیا میں دولت کی غیر منصفانہ تقسیم سے غربت میں اضافہ ہورہا ہے ،مشرق اورمغرب کے درمیان کشیدگی سےعالمی امن کو خطرہ ہے ، تنازعات کے باعث ترقی کا عمل متاثرہوتا ہے ، دنیا میں تنازعات کا بڑا حصہ مسلم ممالک میں ہے ، ان تنازعات کے خاتمے کیلئے امہ کے درمیان تعاون اور روابط کا فروغ ضروری ہے ، اوآئی سی مسلم امہ کے درمیان اتحاد اوریکجہتی کیلئے کام کررہی ہے ، بطوررکن ملک پاکستان مسلم ممالک کے درمیان رواداری کوفروغ دے گا ۔
اسلام آباد (قدرت روزنامہ)حکومت نے فیڈرل بورڈ آف ریونیو (ایف بی آر) کو سمگلنگ میں…
لاہور(قدرت روزنامہ )وزیر اعلیٰ پنجاب مریم نواز نے عارف والا میں بیٹے کا بوڑھی والدہ…
کراچی (قدرت روزنامہ) جناح ٹرمینل کےقریب چینی باشندوں پر حملے کے تفتیشی حکام نے حملہ…
راولپنڈی(قدرت روزنامہ)سیکیورٹی فورسز کا خوارجیوں کی موجودگی کی اطلاع پر شمالی وزیرستان کے علاقے میر…
اسلام آباد (قدرت روزنامہ) سعودی عرب کے وزیر سرمایہ کاری خالدبن عبدالعزیز بڑے سرمایہ کار…
دبئی(قدرت روزنامہ)انٹرنیشنل کرکٹ کونسل (آئی سی سی) نے ٹی20 اور ون ڈے کی نئی رینکنگ…