مریم نواز کی طبیعت اچانک ناساز، سوات جلسہ ملتوی

لاہور(قدرت روزنامہ)پاکستان مسلم لیگ (ن) کی نائب صد رمریم نواز کی طبیعت اچانک ناساز ہو گئی جس کے باعث سوات کا جلسہ منسوخ کردیا گیا ۔ مسلم لیگ (ن) کی مرکزی سیکرٹری اطلاعات مریم اورنگزیب کے مطابق مریم نوازکو تیز بخار ہے جس کی وجہ سے ڈاکٹرز نے انہیں سفرکرنے سے منع کیا ہے ۔ خیبرپختونخوا ہ خاص طور پر اہل سوات سے معذرت خواہ ہیں ،مریم نواز شریف کو اعتماد ہے کہ خیبرپختونخوا ہ کے عوام بلدیاتی انتخابات کے دوسرے مرحلے میں شیر کے نشان پر مہرلگائیں گے ۔ انہوں نے کہا کہ پاکستان مسلم لیگ (ن) کے

عہدیداروں اور کارکنان کے لئے مریم نوازشریف نے نیک تمنائوں کا پیغام دیا ہے۔مسلم لیگ (ن)خیبرپختونخوا ہ کے صدرانجینئر امیرمقام، عہدیداروں اور کارکنان کے جذبوں اور محنت کو سلام پیش کرتے ہیں ،آپ سے مریم نوازشریف کی صحت یابی کے لئے دعا کی اپیل ہے۔