حب جیپ ریلی کے نویں ایڈیشن 2022 کا میلہ سج گیا ، 50 کلو میٹر لمبا ترین ٹریک تیار

حب(قدرت روزنامہ)گڈانی کے ساحلی علاقے کنڈ میں حب جیپ ریلی کے نویں ایڈیشن 2022 کا میلہ سج گیا ریلی کے لئے 50 کلو میٹر لمبا مشکل ترین ٹریک تیار کیا گیا ہے اس ٹریک کو انتہائی مہارت سے تیار کیا گیا ہے جس میں ریت میدان پہاڑ اور ساحل کا سات کلو میٹر حصہ بھی شامل کیا گیا ہے اس حوالے سے حب جیپ ریلی کے آرگنائزر شیروانی موٹرز کے سی ای او شجاعت حسین شیروانی کا کہنا ہے کہ ہفتہ کے روزریس میں حصہ لینے والے ریسرز نے ٹریک کی ریکی کی ٹریک کی ڈیزائننگ میں اس بات کا خاص خیال رکھا گیا ہے کہ شائقین ریس کسی بھی ایک پوائنٹ پر کھڑے ہو کر ٹریک پر دوڑنے والی گاڑیوں کو اپنے گرد دوڑتا ہوا دیکھ سکیں اس ریس کی مختلف گیٹیگریز میں 60سے زائد ریسرز حصہ لے رہے ہیں جن میں 9 خواتین ڈرائیورز بھی شامل ہیں ریلی میں دفاعی چیمپیئن رکن سندھ اسمبلی میر نادر خان مگسی صاحبزادہ سلطان محمد علی اور رونی پٹیل سمیت نامور ریسرز حصہ لے رہے ہیں۔