پاکستان چھوڑ کر چلا جاؤں گا لیکن عمران خان کو ووٹ نہیں دوں گا، طارق بشیر چیمہ

اسلام آباد /لاہور(قدرت روزنامہ) وفاقی وزیر طارق بشیر چیمہ نے پارٹی کے مرکزی سیکرٹری جنرل کے عہدے سے بھی استعفیٰ دیدیا، پارٹی صدر چوہدری شجاعت حسین نے طارق بشیر چیمہ کا استعفیٰ قبول کرلیا۔ مسلم لیگ (ق) کے ذرائع کے مطابق تحریک عدم اعتماد کے معاملے پر طارق بشیر چیمہ نے پارٹی سے مبینہ اختلافات کے بعد کابینہ سے استعفیٰ دیدیا ہے۔ قومی اسمبلی میں اپوزیشن کی جانب سے وزیراعظم عمران خان کیخلاف تحریک عدم اعتماد پیش کرنے کے بعد سیاسی روابط اور ہلچل میں میں تیزی آگئی ہے اور تازہ ترین صورتحال میں ق لیگ کے رہنما اور وفاقی

وزیر طارق بشیر چیمہ نے وفاقی کابینہ سے استعفیٰ دیدیا ہے۔ ق لیگ کے رہنما طارق بشیر چیمہ نے تحریک عدم اعتماد کے معاملے پر پارٹی سے اختلافات کے بعد وفاقی کابینہ سے استعفیٰ دیدیا ہے۔ذرائع نے بتایا کہ وفاقی وزیر ہاؤسنگ اور ق لیگ کے رہنما طارق بشیر چیمہ کی کوشش تھی کہ تحریک عدم اعتماد کے معاملے پر ق لیگ حکومت کی حمایت نہ کرے تاہم ق لیگ نے ان کی نہ مانی اور اسی معاملے اختلافات کے نتیجے میں انہوں ں ے اپنے عہدے سے استعفیٰ دیدیا ہے۔ طارق بشیر چیمہ نے کابینہ سے مستعفی ہونے کا اعلان کرتے ہوئے کہا کہ وزارت سے استعفیٰ دے دیا ہے، ان کا کہنا تھا کہ پاکستان چھوڑ کر چلا جاؤں گا لیکن عمران خان کو ووٹ نہیں دوں گا، عمران خان کے خلاف ووٹ دوں گا، پرویزالہٰی میرے محسن ہیں ہرحال میں ان کے ساتھ ہوں، چودھری شجاعت سے درخواست کی تھی عمران خان کو ووٹ نہیں دوں گا۔انہوں نے مزید کہا کہ ضمیرکی آواز پرووٹ نہ دینے کا فیصلہ کیا، میں سمجھتا ہوں وزیراعظم نے بہت وقت ضائع کر دیا، میں تنہا ہوں دیگر ممبران اپنی مرضی کے مطابق ووٹ دیں گے۔واضح رہے کہ طارق بشیر چیمہ کے استعفیٰ کے ساتھ ہی وزیراعلیٰ پنجاب عثمان بزدار نے بھی استعفیٰ دیدیا ہے۔