35لاکھ میٹرک ٹن گندم خرید نے کا ہدف مقرر،حکومت کاشتکاروں کے حقوق کا تحفظ یقینی بنائے گی‘عثمان بزدار
لاہور(قدرت روزنامہ) وزیراعلیٰ پنجاب سردار عثمان بزدار نے کہا ہے کہ کسانوں سے 2200 روپے فی من کے حساب سے گندم خریدی جائے گی . پنجاب کابینہ نے 35لاکھ میٹرک ٹن گندم خرید نے کا ہدف مقرر کیا ہے اور ضرورت پڑنے پر گندم خریداری کا ہدف مزید بڑھایا جاسکے گا .
حکومت کاشتکاروں کے حقوق کا تحفظ یقینی بنائے گی .
گندم کی غیر قانونی نقل و حمل روکنے کیلئے موثر اقدامات کئے جائیں گے .
انہوں نے کہا کہ گندم خریداری مہم کیلئے صوبائی سطح پر 8 رکنی اعلیٰ سطح کی کمیٹی قائم کر دی گئی ہے . صوبائی، ڈویژنل، ضلعی، تحصیل اور سینٹرز کی سطح پر بھی خصوصی مانیٹرنگ کمیٹیاں خریداری کے عمل کی نگرانی کریں گی . صوبائی وزراء، مشیران او رمعاونین خصوصی متعلقہ اضلاع میں گندم خریداری مہم کی مانیٹرنگ کریں گے .
. .