پاکستان کو دھمکی آمیز خط کا معاملہ، امریکی رکن کانگریس کا تشویش کا اظہار

اسلام آباد(قدرت روزنامہ) پاکستان کو دھمکی آمیز خط سے متعلق معاملہ سامنے آنے پر امریکی رکن کانگریس نے تشویش کا اظہار کیا ہے . جیو ٹی وی کی رپورٹ کے مطابق وزیراعظم عمران خان کی جانب سے دھمکی آمیز خط اور امریکا کی جانب سے خط کے ذریعے دھمکی دینے کے الزامات پر امریکی رکن کانگریس بریڈشرمین نے بھی تشویش کا اظہار کیا ہے .

ان کا کہنا ہے کہ محکمہ خارجہ نے یقین دہانی کرائی ہے کہ الزامات میں حقیقت نہیں . گذشتہ روز وزیراعظم عمران خان کے دھمکی آمیز خط سے متعلق دعوے پر وائٹ ہاؤس کا ردِعمل بھی آیا . وائٹ ہاؤس کی کمیونیکیشن ڈائریکٹر کیٹ بیڈنگ فیلڈ سے صحافی نے سوال کیا کہ پاکستان کے وزیراعظم نے الزام لگایا ہے کہ امریکا اپوزیشن لیڈر کے ساتھ مل کر انہیں اقتدار سے نکالنے پر کام کر رہا ہے،وائٹ ہاؤس کا اس پر کیا ردِعمل ہے جس کے جواب میں کیٹ بیڈنگ فیلڈ نے کہا کہ ان الزامات میں بالکل صداقت نہیں ہے .

. اس سے قبل امریکی محکمہ خارجہ کے ترجمان نیڈ پرائس کی طرف سے جاری کردہ بیان میں کہا گیا ہے کہ امریکہ پرعائد الزامات میں کوئی حقیقت نہیں ہے ، امریکہ نے پاکستان کی سیاسی صورتحال پر کوئی خط جاری نہیں کیا . نیڈ پرائس نے کہا کہ وزیر اعظم عمران خان کے بیان پر میرے پاس کہنے کو کچھ نہیں ، پاکستان میں جاری صورتحال کاجائزہ لے رہے ہیں اور پاکستان کے آئینی عمل کااحترام کرتے ہیں .
قبل ازیں پاکستان نے ملک کے اندرونی معاملات میں مداخلت پرامریکہ سے شدید احتجاج کرتے ہوئے قومی سلامتی کمیٹی کے فیصلے کی روشنی میں احتجاجی مراسلہ تھما دیا ، امریکی ناظم الامور کو دفتر خارجہ طلب کرکے احتجاجی مراسلہ دیا گیا ، دفتر خارجہ سے معلوم ہوا ہے کہ قائم مقام امریکی ناظم الامور کی طلبی قومی سلامتی کمیٹی کی ہدایت پر کی گئی ، امریکی سینئر عہدیدار کے الفاظ اور اندرونی معاملات میں مداخلت پر احتجاج کیا گیا. خیال رہے کہ وزیراعظم عمران خان کی زیر صدارت قومی سلامتی کمیٹی کا 37 واں اجلاس منعقد ہوا، اجلاس میں دفاع، توانائی، اطلاعات و نشریات، داخلہ، خزانہ، انسانی حقوق، منصوبہ بندی، ترقی اور خصوصی اقدامات کے وفاقی وزراء، چیئرمین جوائنٹ چیفس آف سٹاف کمیٹی، آرمی چیف سمیت سروسز چیفس، قومی سلامتی کے مشیر اور سینئر افسران نے شرکت کی .
اجلاس میں قومی سلامتی مشیر نے کمیٹی کو خط پر بریفنگ دی تھی، کمیٹی نے خط پر تشویش کا اظہار کرتے ہوئے اسے پاکستان کے اندورنی معاملات میں مداخلت کو ناقابل برداشت قرار دیا .

"Absolutely No" Truth to that allegation.
وائٹ ہاؤس کی ترجمان کیٹ بیڈنگ فیلڈ نے وزیر اعظم عمران خان کے الزامات کو مسترد کر دیا . pic.twitter.com/vzi93v63k7

— Asad Chaudhary (@AsadChSpeak) April 1, 2022