لاہور(قدرت روزنامہ) پاکستان تحریک انصاف نے وزیراعلی پنجاب کے انتخاب میں پارٹی ارکان کو پرویزالہی کو ووٹ دینے کا پابند کردیا۔پاکستان تحریک انصاف کے جنرل سیکرٹری اسد عمر نے پی ٹی آئی پنجاب اسمبلی کے ارکان کو نوٹس جاری کر دیے جس میں ارکان کو وزیراعلی پنجاب کے انتخاب میں پارٹی کے امیدوار پرویز الہی کو ووٹ دینے کا پابند کیا گیا۔
نوٹس میں کہا گیا ہے کہ پارٹی چیئرمین عمران خان نے پرویز الہی کو وزیر اعلی کے لئے امیدوار نامزد کیا ہے۔ پارٹی کے تمام ارکان اسمبلی پرویز الہی کو ووٹ دیں جبکہ ووٹنگ کے روز غیر حاضری بھی ڈسپلن کی خلاف ورزی ہوگی۔نوٹس میں مزید کہا گیا کہ الیکشن کے روز گھر رہنا یا پارٹی امیدوار کے خلاف ووٹ دینے پر آرٹیکل 63 کے تحت کاروائی ہوگی۔
خلاف ورزی پر منحرف ارکان کے خلاف ریفرنس دائر کیا جائے گا۔
خیال رہے کہ سیکرٹری پنجاب اسمبلی محمد خان بھٹی کو وزارت اعلیٰ کے انتخاب کیلیے پی ٹی آئی کے نامزد امیدوار چودھری پرویز الٰہی اور اپوزیشن کے نامزد امیدوار حمزہ شہباز نے ان کے آفس میں کاغذات نامزدگی جمع کروائے۔ چودھری پرویز الٰہی کے کاغذات نامزدگی اراکین اسمبلی محمد بشارت راجا، چودھری ظہیر الدین، میاں اسلم اقبال،ڈاکٹر مرادراس اور میاں محمودالرشید نے جبکہ حمزہ شہباز نے اپنے کاغذات نامزدگی خود جمع کروائے۔
کاغذات نامزدگی کی سکروٹنی کے بعد دونوں امیدواران کے کاغذات نامزدگی درست قرارپائے۔ وزیر اعظم عمران خان نے تمام اراکین صوبائی اسمبلی کوپنجاب میں وزارتِ اعلیٰ کے انتخاب میں چودھری پرویز الہٰی کو ووٹ دینا یقینی بنانے کی ہدایت کی تھی۔جبکہ وزیراعظم عمران خان کے دورہ لاہور کا امکان ظاہر کیا جا رہا ہے۔میڈیا رپورٹس کے مطابق وزیراعظم عمران خان سے گورنر پنجاب عمر چیمہ نے ملاقات کی جس کے بعد سیاسی بحران سے نمٹنے کے لیے وزیراعظم نے لاہور کا دورہ کرنے کا فیصلہ کیا۔وزیراعظم لاہور میں اہم ملاقاتیں کریں گے۔وزیراعظم سے وزیراعلیٰ عثمان بزدار، چوہدری پرویز الہیٰ کی بھی ملاقاتیں ہوں گی۔ علاوہ وازیں وزیراعظم اتحادی جماعت کے ارکان سے بھی ملاقاتیں کریں گے۔
بارکھان(قدرت روزنامہ)بارکھان میں ایک اور موبائل ٹاور نظر آتش کردیالیویز کے مطابق بارکھان میں ایک…
کوئٹہ (قدرت روزنامہ)پاکستان بھر کے وکلاء موجودہ آئین اور اس کے بنیادی ڈھانچے اور خصوصیات…
آواران(قدرت روزنامہ)آواران کےعلاقے مشکے کے رہائشی محمد اشرف نے کہا کہ ہمارے آپس میں دو…
اسلام آباد(قدرت روزنامہ)اسلام آباد میں ایک تقریب سے خطاب کرتے ہوئے وزیراعلیٰ بلوچستان سرفراز بگٹی…
اسلام آباد (قدرت روزنامہ)وفاقی وزیر خزانہ محمد اورنگزیب نے کہا ہے کہ آئی ایم ایف…
اسلام آباد (قدرت روزنامہ)پاک فوج نے اسٹریٹجک پلانز ڈویژنز کے 35 سائنسدانوں اور انجینیئرز کو…